Ֆինն Գերագուսյանը նորամուտն է նշել «Սանդերլենդի» հիմնական կազմում
- Հեղինակ: Vahe Hakobyan
- Sportaran
Հայաստանի հավաքականի 18-ամյա հարձակվող Ֆինն Գերագուսյանն առաջին հանդիպումն է անցկացրել անգլիական «Սանդերլենդի» հիմնական թիմի կազմում։
Գերագուսյանը մասնակցել է Անգլիայի չորրորդ ուժեղագույն դիվիզիոնը ներկայացնող «Յորք Սիթիի» դեմ ընկերական հանդիպմանը։ «Սանդերլենդը» խոշոր հաշվով հաղթել է՝ 5:1։
Հայ ֆուտբոլիստը խաղադաշտ է դուրս եկել ընդմիջումից հետո և ամբողջությամբ անցկացրել երկրորդ խաղակեսը։ Գերագուսյանի համար սա առաջին հանդիպումն էր ակումբի գլխավոր թիմի կազմում։
Վերջերս 18-ամյա հարձակվողն իր առաջին պրոֆեսիոնալ պայմանագիրն էր կնքել «Սանդերլենդի» հետ։
«Սանդերլենդի» կազմն առաջին խաղակեսում․ Էլբորգ, Ռեյնիլդու, Օ’Նայեն, Մուկիելե, Հյում, Ռիգ, Բրաուն, Տուտիերով, Լե Ֆե, Տա Բի, Օգունսույի։
«Սանդերլենդի» կազմը երկրորդ խաղակեսում․ Մուր, Ալեսե, Հյելդե, Սիլտ, Ջենսոն Ջոնս, Ջեյ Ջոնս, Ուիթաքեր, Դինսդեյլ, Պրոկտոր, Սքոթ, Գերագուսյան։