Ջանես Նազարյանը՝ մինչև 17 տարեկանների հունահռոմեական պայքարի աշխարհի չեմպիոն
- Հեղինակ: Vahe Hakobyan
- Sportaran
Հայ ըմբիշ Ջանես Նազարյանը Աթենքում կայացած կադետների (U17) աշխարհի առաջնությունում նվաճեց ոսկե մեդալ՝ հանդես գալով մինչև 65 կգ քաշային կարգում։ Լարված եզրափակիչում Նազարյանը 5:4 հաշվով հաղթեց վրացի Էրեկլե Տավբերիձեին՝ ռևանշ վերցնելով մեկ ամիս առաջ մինչև 17 տարեկանների Եվրոպայի առաջնության եզրափակիչում կրած պարտության համար։
Աշխարհի չեմպիոնը մրցաշարի ընթացքում ցուցադրեց հրաշալի մարզավիճակ։ Քառորդ եզրափակիչում նա 6:0 հաշվով ջախջախեց Եվրոպայի բրոնզե մեդալակիր, ֆրանսիացի Կիլիան Էդդուին, մինչ այդ վստահ հաղթել էր ադրբեջանցի Հուսեյն Իսգանդարովին (9:1) և ամերիկացի Արսենի Կիկինյովին (4:1)։ Կիսաեզրափակիչում Նազարյանը 3:1 հաշվով առավելության հասավ ուկրաինացի Եգոր Տարասենկոյի նկատմամբ։
Այս ոսկե մեդալը Հայաստանի հավաքականի առաջին պարգևն էր Աթենքում անցկացվող աշխարհի առաջնությունում, որը մեկնարկել է հուլիսի 28-ին։