Չորս հայ մարմնամարզիկներ հասել են Կոտբուսում կայանալիք 2026 թվականի աշխարհի գավաթի եզրափակիչ։

Գերմանական Կոտբուսում մեկնարկել է մարմնամարզության 2026 թվականի Աշխարհի գավաթի առաջին փուլը։ Հայաստանի հավաքականի կազմում մրցաշարին մասնակցում են չորս մարմնամարզիկներ, և բոլորն էլ հաջողությամբ հաղթահարել են որակավորումը՝ դուրս գալով եզրափակիչ։

Մամիկոն Խաչատրյանը և Համլետ Մանուկյանը դուրս են եկել ձիու վարժության եզրափակիչ՝ զբաղեցնելով համապատասխանաբար երկրորդ և երրորդ տեղերը՝ զիջելով միայն իտալացի Գաբրիելե Տարգետային։

Արթուր Ավետիսյանն ու Արթուր Դավթյանը դուրս են եկել օղակների վարժության եզրափակիչ՝ զբաղեցնելով առաջին և երրորդ տեղերը։ Որակավորման փուլում երկրորդ տեղը զբաղեցրել է Ադրբեջանի ներկայացուցիչ Նիկիտա Սիմոնովը։

Բացի այդ, Արթուր Դավթյանը պետք է մասնակցեր հենացատկի որակավորմանը, սակայն մեջքի վնասվածքի պատճառով չի մասնակցի մրցմանը։

Օղակների և ձիու վարժությունների եզրափակիչները կկայանան փետրվարի 21-ին։

Հիշեցնենք, որ Համլետ Մանուկյանը 2025 թվականի Աշխարհի գավաթի շարքի հաղթող է ձիու վարժությունում, իսկ Արթուր Դավթյանը հաղթել է 2025 թվականի Աշխարհի գավաթի ընդհանուր հաշվարկում հենացատկում։