Տիկնիզյանը կատարել է իր հինգերորդ գոլային փոխանցումը մրցաշրջանում «Չուկարիչկիի» դեմ խաղում (ՏԵՍԱՆՅՈՒԹ)
- Հեղինակ: Vahe Hakobyan
- Sportaran
Հայաստանի հավաքականի պաշտպան Նաիր Տիկնիզյանը արդյունավետ գործողությամբ է աչքի ընկել Սերբիայի առաջնության «Ցրվենա Զվեզդա» – «Չուկարիչկի» խաղում։
«Ցրվենա Զվեզդան» հաղթել է 2:1 հաշվով, իսկ Տիկնիզյանը խաղադաշտում անցկացրել է 70 րոպե։ Արդեն առաջին խաղակեսում Նաիրը կատարել է փոխանցում տուգանային հրապարակ, որից հետո Բրունո Դուարտեն բացել է հաշիվը։ Պաշտպանի համար այս ասիստը դարձել է հինգերորդը ընթացիկ մրցաշրջանում։
Գոլային փոխանցումից բացի՝ Տիկնիզյանն իր հաշվին գրանցել է 3 առանցքային փոխանցում, ստեղծել է 1 գոլային պահ և SofaScore-ից ստացել 7.3 գնահատական։
«Ցրվենա Զվեզդայի» կազմում երկու գոլերն էլ խփել է Բրունո Դուարտեն. նախ նա աչքի է ընկել Տիկնիզյանի փոխանցումից հետո, ապա իրացրել է 11-մետրանոց հարվածը։ «Չուկարիչկին» հանդիպումն ավարտել է փոքրաթիվ կազմով՝ 45-րդ րոպեին գրանցված հեռացումից հետո։
ՏԵՍԱՆՅՈՒԹ․
Քննարկեք նորությունները!
Անցնել մեկնաբանություններին ↓
Comments
0