Ստյոպա Մկրտչյանն ու Վահան Բիչախչյանը միացել են Հայաստանի հավաքականին
- Հեղինակ: Vahe Hakobyan
- Sportaran
Պաշտպան Ստյոպա Մկրտչյանն ու կիսապաշտպան Վահան Բիչախչյանը միացել են Հայաստանի ազգային հավաքականի ճամբարին, որը շարունակում է նախապատրաստությունը հունիսյան ընկերական հանդիպումներին։
Երկու ֆուտբոլիստներն էլ վնասվածքների պատճառով չեն կարողանա մասնակցել առաջիկա խաղերին, սակայն գտնվում են թիմի հետ և վերականգնողական ընթացակարգեր են անցնում հավաքականի կազմում։ Մարզական հավաքի ընթացքում Մկրտչյանն ու Բիչախչյանն աշխատում են ազգային թիմի ֆիզիոթերապևտ Պաբլո Լյանոսի գլխավորությամբ։
Այս ձևաչափը ֆուտբոլիստներին հնարավորություն է տալիս մնալ հավաքականի կողքին, շարունակել վերականգնումը բժշկական շտաբի վերահսկողության ներքո և աստիճանաբար պատրաստվել խաղադաշտ վերադառնալուն։
Հիշեցնենք, որ Հայաստանի հավաքականը հունիսի 1-ից մարզական հավաք է անցկացնում Երևանում։ Հունիսյան պատուհանի ընթացքում թիմը կանցկացնի երկու ընկերական հանդիպում՝ հունիսի 6-ին Ղազախստանի, իսկ հունիսի 9-ին՝ Մոլդովայի դեմ։