Հայտնի է դարձել Հայաստան — Ղազախստան խաղին նախորդող միջոցառումների ժամանակացույցը

Հունիսի 5-ին Երևանի Վազգեն Սարգսյանի անվան Հանրապետական մարզադաշտում կկայանան Հայաստանի և Ղազախստանի հավաքականների նախախաղային մամուլի ասուլիսներն ու մարզումները։

Հայաստանի և Ղազախստանի ազգային հավաքականների ընկերական հանդիպումը կկայանա հունիսի 6-ին՝ ժամը 18:00-ին, Հանրապետական մարզադաշտում։ Հանդիպման նախօրեին երկու հավաքականների ներկայացուցիչները կհանդիպեն լրագրողների հետ և կանցկացնեն վերջին մարզումները։

Հայաստանի հավաքականի գլխավոր մարզիչ Եղիշե Մելիքյանի և ազգային թիմի ֆուտբոլիստներից մեկի մամուլի ասուլիսը կմեկնարկի հունիսի 5-ին՝ ժամը 17:30-ին, Հանրապետական մարզադաշտի մամուլի ասուլիսների սրահում։

Դրանից հետո՝ ժամը 18:00-ին, Հայաստանի հավաքականը կանցկացնի նախախաղային մարզում։ Մարզման առաջին 15 րոպեները բաց կլինեն ԶԼՄ ներկայացուցիչների համար։

Ղազախստանի հավաքականի գլխավոր մարզչի և թիմի ֆուտբոլիստներից մեկի մամուլի ասուլիսը նախատեսված է ժամը 18:30-ին։ Ղազախստանի հավաքականը նախախաղային մարզման դուրս կգա ժամը 19:00-ին, որի առաջին 15 րոպեները նույնպես հասանելի կլինեն լրատվամիջոցների համար։

Հիշեցնենք, որ Հայաստանի հավաքականը շարունակում է նախապատրաստվել հունիսյան ընկերական հանդիպումներին։ Ղազախստանի դեմ խաղից հետո թիմը կանցկացնի ևս մեկ ստուգողական հանդիպում՝ Մոլդովայի հավաքականի դեմ։

Հայաստան — Ղազախստան հանդիպումը կկայանա հունիսի 6-ին՝ ժամը 18:00-ին, Երևանի ժամանակով։