Հայտնի են ԱԱ-2026-ի բացման՝ Մեքսիկա - Հարավային Աֆրիկա հանդիպման մեկնարկային կազմերը
- Հեղինակ: Vahe Hakobyan
- Sportaran
Հունիսի 11-ին Մեխիկոյում կմեկնարկի ֆուտբոլի 2026 թվականի աշխարհի առաջնությունը։ Բացման խաղում մրցաշարի տանտեր Մեքսիկայի հավաքականը կմրցի Հարավային Աֆրիկայի ընտրանու հետ։
Հատկանշական է, որ հենց այս երկու հավաքականներն էին բացել նաև 2010 թվականի աշխարհի առաջնությունը Հարավային Աֆրիկայում։ Այդ հանդիպումն ավարտվել էր 1:1 հաշվով։
Խաղը կմեկնարկի Երևանի ժամանակով ժամը 23:00-ին։
Մեքսիկայի երկրպագուների համար գլխավոր նորություններից մեկն այն է, որ լեգենդար դարպասապահ Գիլերմո Օչոան հանդիպումը կսկսի պահեստայինների նստարանից։ Այնուամենայնիվ, մեկնարկային կազմում ընդգրկված են փորձառու հարձակվող Ռաուլ Խիմենեսը, հզոր հարձակվող Խուան Կինյոնեսը և երիտասարդ ու հեռանկարային Ռայան Գուտիերեսը։
Հարավային Աֆրիկայի հավաքականի գլխավոր աստղը համարվում է անգլիական «Բարնլիի» հարձակվող Լայլ Ֆոսթերը։
Մեքսիկայի հավաքականի մեկնարկային կազմը
Ռանխել — Ֆերնանդես, Մոնտես, Վասկես, Գալյարդո — Լիրա, Ալվարադո, Գուտիերես, Ֆիգալդո, Կինյոնես — Ռաուլ Խիմենես։
Հարավային Աֆրիկայի հավաքականի մեկնարկային կազմը
Ուիլյամս — Մուդաու, Օկոն, Սիբիսի, Մբոկազի, Մոդիբա — Մոկոենա, Սիտոլե, Ադամս — Ֆոսթեր, Ռեյներս։
Հիշեցնենք, որ 2026 թվականի աշխարհի առաջնությունը անցկացվում է ԱՄՆ-ում, Կանադայում և Մեքսիկայում։ Պատմության մեջ առաջին անգամ մրցաշարի եզրափակիչ փուլում հանդես են գալիս 48 հավաքականներ, իսկ երկրպագուներին սպասվում է 104 հանդիպում։