Սպերցյանը գոլային փոխանցում կատարեց, սակայն «Ալ-Ահլին» կրեց մրցաշրջանում առաջին պարտությունը

«Ալ-Ահլիի» կիսապաշտպան Էդուարդ Սպերցյանը գոլային փոխանցման հեղինակ է դարձել Սաուդյան Արաբիայի առաջնության 4-րդ տուրի՝ «Ալ-Խոլուդի» դեմ խաղում։

Հանդիպումն ավարտվել է Սպերցյանի թիմի՝ 1:3 հաշվով պարտությամբ։ «Ալ-Ահլիի» համար սա Պրո լիգայի ընթացիկ մրցաշրջանում առաջին պարտությունն էր։

«Ալ-Ահլիի» միակ գոլը խփել է Այվան Թոունին՝ Սպերցյանի փոխանցումից հետո։ Հայ կիսապաշտպանի համար սա ընթացիկ առաջնությունում երկրորդ գոլային փոխանցումն էր։

«Ալ-Խոլուդի» կազմում աչքի են ընկել Կարտախենան, Դոմինգեշը և Սավանը։

Սպերցյանը խաղադաշտում անցկացրել է ամբողջ հանդիպումը և SofaScore-ից ստացել է 7,0 գնահատական։

Էդուարդ Սպերցյանի վիճակագրությունը․

• Խաղացած րոպեներ՝ 90+,
• Հարվածներ՝ 2 (0,12 xG),
• Գոլային փոխանցումներ՝ 1,
• Առանցքային փոխանցումներ՝ 4,
• Փոխանցումներ եզրից՝ 3-ը՝ 8-ից,
• Ճշգրիտ փոխանցումներ՝ 45 (83%),
• Հաջող դրիբլինգ՝ 2-ը՝ 3-ից,
• Գնդակի կորուստներ՝ 17,
• Վաստակած խախտումներ՝ 1,
• Գնդակի խլումներ՝ 1,
• Գնդակի հեռացումներ՝ 1,
• Գնդակի վերադարձներ՝ 4,
• Հաղթած մենապայքարներ՝ 4-ը՝ 8-ից,
• Խախտումներ՝ 1։

Չորս տուրից հետո Սպերցյանի հաշվին Սաուդյան Արաբիայի առաջնությունում երկու գոլային փոխանցում և մեկ գոլ կա։