Հայաստանի պատանեկան հավաքականը կմասնակցի բռնցքամարտի Եվրոպայի U17 առաջնությանը

Հայաստանի բռնցքամարտի պատանեկան հավաքականները՝ տղաների և աղջիկների, կմասնակցեն Եվրոպայի U17 առաջնությանը, որը կանցկացվի Չեռնոգորիայի Բուդվա քաղաքում՝ 2026 թվականի հոկտեմբերի 1-ից 12-ը։

Մրցաշրջանի կարևորագույն միջազգային ստուգատեսներից մեկից առաջ հայ բռնցքամարտիկներն անցկացրել են հագեցած ուսումնամարզական հավաքներ։ Հայաստանի պատվիրակությունը Չեռնոգորիա կմեկնի հոկտեմբերի 1-ին։

Եվրոպայի առաջնությունում Հայաստանը կներկայացնի ընդհանուր առմամբ 16 բռնցքամարտիկ՝ 13 պատանի և 3 աղջիկ։ Մրցաշարին մասնակցության հայտ են ներկայացրել 40 երկրների մարզիկներ։

Հայաստանի հավաքականի կազմը

Տղաներ

• 46 կգ — Լևոն Չիլինգարյան
• 48 կգ — Սամվել Գրիգորյան
• 50 կգ — Հակոբ Շարբաթյան
• 52 կգ — Վաղինակ Հակոբյան
• 54 կգ — Գագիկ Գրիգորյան
• 57 կգ — Մենուա Ուլիխանյան
• 60 կգ — Էդուարդ Քարամյան
• 63 կգ — Տիգրան Բաղդասարյան
• 66 կգ — Ռոմիկ Հարությունյան
• 70 կգ — Բագրատ Ղազարյան
• 75 կգ — Նարեկ Կիրակոսյան
• 80 կգ — Արտյոմ Խորենյան
• +80 կգ — Տրդատ Հովհաննիսյան

Ավագ մարզիչ՝ Աշիկ Գրիգորյան։
Մարզիչ՝ Արթուր Ուլիխանյան։

Աղջիկներ

• 50 կգ — Լիանա Շահինյան
• 52 կգ — Կարինե Դալլաքյան
• 54 կգ — Եվա Գրիգորյան

Ավագ մարզիչ՝ Խաչիկ Խաչատրյան։

Բուդվայում կայանալիք Եվրոպայի U17 առաջնությունը կհավաքի մայրցամաքի ուժեղագույն երիտասարդ բռնցքամարտիկներին և կդառնա նոր սերնդի մարզիկների համար կարևոր միջազգային փորձարկում։