Հայաստանի կազմում վեց փոփոխություն Կիպրոսի դեմ խաղում․ Սիմոնյանն ու Գարիբյանն առաջին անգամ կմեկնարկեն հիմնական կազմում

Հայտնի են Կիպրոսի և Հայաստանի հավաքականների մեկնարկային կազմերը Ազգերի լիգայի 2026/27 մրցաշրջանի երրորդ տուրի հանդիպման համար։

Հանդիպումը կկայանա այսօր՝ հոկտեմբերի 2-ին, Նիկոսիայում և կմեկնարկի Երևանի ժամանակով 20:00-ին։

Մեկնարկային կազմեր

Հայաստան․ Բեգլարյան — Բանդիկյան, Սիմոնյան, Պիլոյան, Հարությունյան, Տիկնիզյան — Կ. Հովհաննիսյան, Սպերցյան — Սևիկյան, Մանվելյան — Գարիբյան։

Կիպրոս․ Ֆաբիանո — Կոնոմիս, Կիպրիանու, Պանայոտու, Պիլեաս — Լոյզու, Կաստանոս, Անդրեու, Էդվարդս — Կակուլի, Պիտտաս։

Հայաստանի հավաքականի գլխավոր մարզիչ Եղիշե Մելիքյանը զգալի փոփոխություններ է կատարել նախորդ՝ Չեռնոգորիայի դեմ Ազգերի լիգայի հանդիպման համեմատ։ Մեկնարկային կազմում միանգամից վեց փոփոխություն կա։

Առաջին րոպեներից խաղադաշտ դուրս կգան Արսեն Բեգլարյանը, Էրիկ Սիմոնյանը, Կառլեն Հովհաննիսյանը, Գոռ Մանվելյանը, Էդգար Սևիկյանը և Արթուր Գարիբյանը։

Ընդ որում, Էրիկ Սիմոնյանի և Արթուր Գարիբյանի համար սա կլինի առաջին հանդիպումը Հայաստանի ազգային հավաքականի մեկնարկային կազմում։

Երկու տուրից հետո Հայաստանն ունի 3 միավոր, իսկ Կիպրոսը՝ 1 միավոր։ Մելիքյանի թիմի համար Նիկոսիայում կայանալիք հանդիպումը կլինի ընթացիկ Ազգերի լիգայում առաջին արտագնա խաղը։

Հայաստանում Կիպրոս — Հայաստան հանդիպման ուղիղ հեռարձակումը կցուցադրի Առաջին ալիքը (H1)։ Ռուսաստանում հանդիպումը հնարավոր կլինի դիտել Okko TV-ով։