Ռոնալդինյոն Երևանում նկարահանվել է հայկական ընկերության գովազդային հոլովակում

Լեգենդար բրազիլացի ֆուտբոլիստ Ռոնալդինյոն Երևանում գտնվելու ընթացքում մասնակցել է նոր հայկական Pascal Gaming ընկերության գովազդային հոլովակի նկարահանումներին։

Ընկերությունը պաշտոնապես հայտարարել է Ռոնալդինյոյի հետ համագործակցության մասին։ Գործընկերության շրջանակում կստեղծվի նոր գլոբալ խաղային պորտֆոլիո՝ ոգեշնչված հայտնի բրազիլացուց։ Այն կներառի crash-խաղեր, սլոթեր և այլ նախագծեր, որոնք կներկայացվեն տարվա ընթացքում։

Ռոնալդինյոյի հետ համագործակցությունը նպատակ ունի ամրապնդել Pascal Gaming-ի դիրքերը բրազիլական շուկայում, ինչպես նաև ընդլայնել ընկերության միջազգային լսարանը։ Հատուկ շեշտադրում կարվի ֆուտբոլային մշակույթի, զվարճանքի բովանդակության և լայնամասշտաբ գովազդային ակտիվությունների միավորման վրա՝ ֆուտբոլի աշխարհի առաջնությանն ընդառաջ։

Համագործակցության շրջանակում առաջին խաղը կլինի Avinho R10-ը՝ crash-խաղ, որում Ռոնալդինյոն վառ ավիացիոն ոճով թռչում է Բրազիլիայի վրայով։ Երկրորդ նախագիծը, որը նախատեսված է հունիսին, ստացել է Fortune Ronaldinho անվանումը։ Սա սլոթ է՝ ոգեշնչված պատմության ամենաճանաչելի ֆուտբոլիստներից մեկի ժառանգությունից, խարիզմայից և համաշխարհային ազդեցությունից։

Համագործակցությունը մեկնաբանելիս SoftConstruct Gaming Content-ի վաճառքի բաժնի ղեկավար Արմեն Մնացականյանը նշել է, որ ընկերության համար այս գործընկերությունն առանձնահատուկ նշանակություն ունի։

«Ռոնալդինյոն աշխարհի ամենաճանաչելի և ամենահարգված ֆուտբոլային անձանցից մեկն է, ուստի մեզ համար այս համագործակցությունը շատ ավելին է, քան պարզապես խաղի թողարկում։

Սա գլոբալ զվարճանքի նախագիծ է, որը միավորում է ֆուտբոլային մշակույթը, էմոցիոնալորեն գրավիչ խաղային գործընթացը և լայնամասշտաբ գովազդային միջոցառումները՝ աշխարհի առաջնությանն ընդառաջ», — հայտարարել է Մնացականյանը։

Pascal Gaming-ում նաև հայտնել են, որ առաջիկա ամիսներին կներկայացվեն Ռոնալդինյոյի հետ կապված նոր խաղեր և մարքեթինգային արշավներ։

Ավելի վաղ հաղորդել էինք, որ Ռոնալդինյոն Երևան էր ժամանել մայիսի 26-ին։ Սկզբում լեգենդար բրազիլացու այցը կապվում էր Winline-ի դեսպանի կարգավիճակի և MAC 2026 ֆորումին մասնակցության հետ։ Սակայն այժմ հայտնի է դարձել, որ Հայաստան կատարած այցի ընթացքում նա նաև դարձել է հայկական Pascal Gaming ընկերության գովազդային արշավի դեմքը։