RAF 13. որտեղ դիտել ազատ ոճի ըմբշամարտի գոտեմարտերը առցանց

Սեպտեմբերի 18-ի լույս 19-ի գիշերը Մայամիում կկայանա ազատ ոճի ըմբշամարտի RAF 13 մրցաշարը, որին կմասնակցի Հայաստանի ներկայացուցիչ Արսեն Հարությունյանը։

Մրցաշարը կանցկացվի Watsco Center մարզահամալիրում։ Մրցումների մեկնարկը նախատեսված է տեղական ժամանակով 20:00-ին։ Երևանում հեռարձակումը կմեկնարկի սեպտեմբերի 19-ին՝ 04:00-ին, իսկ Մոսկվայում՝ 03:00-ին։

RAF 13-Ի ԱՌՑԱՆՑ ՀԵՌԱՐՁԱԿՈՒՄԸ

RAF 13 մրցաշարի պաշտոնական հեռարձակումը հասանելի կլինի Fox Nation հարթակում։

Մրցաշարը հնարավոր կլինի անվճար դիտել նաև YouTube-ում՝ ԱՅՍՏԵՂ, իսկ RAF 13-ի իրադարձություններին հետևել՝ մեր TELEGRAM ալիքում։

Արսեն Հարությունյանը կպայքարի չեմպիոնական գոտու համար

Հայ ազատ ոճային ըմբիշ Արսեն Հարությունյանը հնարավորություն է ստացել պայքարելու ամերիկյան Real American Freestyle (RAF) լիգայի թեթևագույն քաշային կարգի չեմպիոնական գոտու համար։

Նրա մրցակիցը կլինի գործող չեմպիոն Օսթին ԴեՍանտոն, որը RAF-ում դեռ պարտություն չի կրել։ Ամերիկացին լիգայում անցկացրել է երեք գոտեմարտ և բոլորում հաղթանակ է տարել։

ԴեՍանտոն թեթևագույն քաշային կարգի գոտին նվաճել է՝ տեխնիկական առավելությամբ 11:1 հաշվով հաղթելով Նաթան Թոմազելոյին, իսկ այնուհետև հաջողությամբ պաշտպանել է տիտղոսը Ռեյների Օրտեգայի դեմ գոտեմարտում։

RAF 13-ի ամբողջական քարդը

• Քոլբի Քովինգթոն — Բելալ Մուհամադ — գլխավոր գոտեմարտ
• Խամզատ Չիմաև — Գիլբերտ Բերնս — համագլխավոր գոտեմարտ
• Բլեյդս — Դիանա Ավսարագովա
• Օսթին ԴեՍանտո — Արսեն Հարությունյան
• Կալիենդո — Բիժոև
• Լյուկ Ռոքհոլդ — Ջո Փայֆեր
• Նոլֆ — Ռամիրես
• Կուգիումցիդիս — Մարստելլեր
• Մերեդիթ — Հայբուլաև
• ԴիՋուլիուս — Հենշել
• Ալիև — Թիմեր
• Մուդի — Ալվան
• Մագզի — Real Tarzann