«Փյունիկ Ակադեմիայի» գլխավոր մարզիչ է նշանակվել բելառուս մասնագետ Ալեքսանդր Բրազևիչը
Ֆուտբոլ
- Հեղինակ: Vahe Hakobyan
- Sportaran
«Փյունիկ Ակադեմիան» նոր գլխավոր մարզիչ ունի։ Հայաստանի Առաջին խմբում հանդես եկող թիմը գլխավորել է 53-ամյա բելառուս մասնագետ Ալեքսանդր Բրազևիչը։
Բրազևիչը նախկինում աշխատել է Բելառուսի և Լիտվայի ակումբներում, իսկ վերջին շրջանում մարզել է Բելառուսի մինչև 17 տարեկանների հավաքականը։
Ստեփան Հարությունյանը, որը ղեկավարում էր «Փյունիկ Ակադեմիան» ընթացիկ մրցաշրջանի սկզբից, կմնա ակումբում և կդառնա նոր գլխավոր մարզչի օգնականը։ «Փյունիկը» Հարությունյանի՝ գլխավոր մարզչի պաշտոնում նշանակվելու մասին հայտնել էր օգոստոսին։