Գեորգի Հարությունյանը խփեց իր երկրորդ գոլը մրցաշրջանում (ՏԵՍԱՆՅՈՒԹ)

«Պուշկաշ Ակադեմիան» Հունգարիայի առաջնության 6-րդ տուրի խաղում 1:2 հաշվով պարտվեց «Ֆերենցվարոշին», սակայն պահպանեց առաջատարի դիրքը մրցաշարային աղյուսակում։

Հայաստանի ազգային հավաքականի պաշտպան Գեորգի Հարությունյանը խաղը սկսեց մեկնարկային կազմում և անցկացրեց ամբողջ հանդիպումը։ 58-րդ րոպեին հայ ֆուտբոլիստը գրավեց մրցակցի դարպասը և հավասարեցրեց հաշիվը։ Հարությունյանի համար սա երկրորդ գոլն էր մրցաշրջանում։

Սակայն արդեն 63-րդ րոպեին «Ֆերենցվարոշը» կրկին առաջ անցավ հաշվի մեջ։ Ավելացված ժամանակի երկրորդ րոպեին «Պուշկաշ Ակադեմիան» կարողացավ գրավել մրցակցի դարպասը, սակայն VAR-ի միջամտությունից հետո գոլը չեղարկվեց։

SofaScore-ը Հարությունյանի խաղը գնահատել է 7,6 միավորով․ դա երկու թիմերի ֆուտբոլիստների շրջանում երկրորդ լավագույն գնահատականն է։

Գոլից բացի, 21-ամյա պաշտպանը կատարել է 1 խլում, 2 գնդակի որսում, 3 հեռացում, 1 հարվածի արգելափակում և 3 գնդակի վերադարձ։