Փարիզն ու Բարսելոնան շարունակում են իրենց պայքարը Եվրոպայի գլխավոր գավաթի համար՝ ապահովելով տեղը կիսաեզրափակիչում՝ չնայած լարված պատասխան խաղերին։
ՊՍԺ-ն, որը սեփական հարկի տակ 3:1 հաշվով հաղթել էր «Ասթոն Վիլլային», Բիրմինգհեմում կանգնած էր փլուզման եզրին։ Անգլիացիները հաղթեցին 3:2, սակայն ֆրանսիացիները անցան հաջորդ փուլ՝ ընդհանուր 5:4 հաշվով։ Խաղի գլխավոր հերոսներից էր Աշրաֆ Հակիմին՝ իր կարևոր արտագնա գոլով։
Բարսելոնան, որն առաջին խաղում հաղթել էր 4:0, բարդ հանդիպում անցկացրեց Դորտմունդում։ Գիրասին ձևակերպեց հեթ-տրիկ, և «Բորուսիան» հաղթեց 3:1, բայց ընդհանուր հաշիվը մնաց ի օգուտ կատալոնացիների՝ 5:3։
Կիսաեզրափակիչում ՊՍԺ-ն կմրցի Արսենալ / Ռեալ Մադրիդ զույգի հաղթողի հետ, իսկ Բարսելոնան կարող է խաղալ Հենրիխ Մխիթարյանի Ինտերի դեմ, եթե իտալացիները կարողանան պահպանել իրենց նվազագույն առավելությունը Բավարիայի դեմ դիմակայությունում։