«Նոան» ամառային հավաք կանցկացնի Սլովենիայում
- Հեղինակ: Vahe Hakobyan
- Sportaran
Երևանի «Նոան» որոշել է ամառային ուսումնամարզական հավաքի անցկացման վայրը՝ նոր մրցաշրջանից և եվրագավաթային մեկնարկից առաջ։
Ինչպես հայտնի է դարձել, Սանդրո Պերկովիչի գլխավորած թիմը մրցաշրջանին կպատրաստվի Սլովենիայում։ Հավաքը կանցկացվի հունիսի 17-ից հուլիսի 8-ը՝ Բրդո պրի Կրանյու և Մարիբոր քաղաքներում։
Նախապատրաստական փուլի շրջանակում «Նոան» նախատեսում է անցկացնել նաև մի քանի ընկերական հանդիպում։ Մրցակիցների և ստուգողական խաղերի հստակ ժամկետների մասին ակումբը կհայտարարի ավելի ուշ։ Երևանյան թիմի հնարավոր մրցակիցներից մեկը կարող է լինել ռումինական ՉՖՌ «Կլուժը»։
Հիշեցնենք, որ նախորդ մրցաշրջանի արդյունքներով «Նոան» զբաղեցրեց երկրորդ տեղը Հայաստանի առաջնությունում և դարձավ Հայաստանի գավաթակիր։ Դրա շնորհիվ թիմը իրավունք ստացավ հանդես գալու Կոնֆերենցիաների լիգայի որակավորման երկրորդ փուլում։
Սլովենիայում անցկացվելիք ամառային հավաքը «Նոայի» համար կլինի նախապատրաստության կարևոր փուլ՝ եվրագավաթային հանդիպումներից և Հայաստանի Պրեմիեր լիգայի նոր մրցաշրջանից առաջ։