Ներմին Զոլոտիչն ու Ռոբ Նիզետը հեռացել են «Նոայից»
- Հեղինակ: Vahe Hakobyan
- Sportaran
«Նոա» ֆուտբոլային ակումբը հայտարարել է երկու պաշտպանների՝ Ներմին Զոլոտիչի և Ռոբ Նիզետի հեռանալու մասին։ Երկու ֆուտբոլիստներն էլ երևանյան ակումբից հեռանում են ամառային տրանսֆերային պատուհանի ընթացքում։
Զոլոտիչը «Նոային» միացել էր 2025 թվականի ձմռանը և մեկուկես մրցաշրջանի ընթացքում հասցրել էր դառնալ թիմի կարևոր անդամներից մեկը։ Բոսնիացի պաշտպանը «Նոայի» հետ նվաճել է Հայաստանի չեմպիոնի կոչումը, երկու անգամ դարձել Հայաստանի գավաթակիր և մեկ անգամ՝ Հայաստանի Սուպերգավաթակիր։
Ռոբ Նիզետը «Նոայի» կազմը համալրել էր նախորդ ձմռանը։ Թեև նա կարճ ժամանակ անցկացրեց թիմում, բելգիացի պաշտպանը նույնպես հասցրեց իր ներդրումն ունենալ ակումբի հաջողություններում՝ նվաճելով Հայաստանի գավաթն ու Սուպերգավաթը։
«Շնորհակալություն ենք հայտնում Ներմինին և Ռոբին աշխատանքի, պրոֆեսիոնալիզմի և մեր թիմում անցկացրած ժամանակի համար։ Մաղթում ենք նրանց հաջողություն հետագա կարիերայում, նոր նվաճումներ և վառ հաղթանակներ»,- ասվում է ակումբի հաղորդագրության մեջ։
Այսպիսով, այս ամռանը «Նոայից» արդեն հեռացել են ութ ֆուտբոլիստներ։ Ավելի վաղ երևանյան ակումբը լքել էին նաև հիմնական կազմի մի քանի այլ խաղացողներ։
Հիշեցնենք, որ նախորդ մրցաշրջանի արդյունքներով «Նոան» զբաղեցրել էր երկրորդ տեղը Հայաստանի առաջնությունում և դարձել երկրի գավաթակիր։ Դրա շնորհիվ թիմը իրավունք է ստացել հանդես գալ Կոնֆերենցիաների լիգայի որակավորման երկրորդ փուլում։