Նեյմարը նոր վնասվածք է ստացել ԱԱ-2026-ից առաջ և կարող է բաց թողնել մրցաշարի մեկնարկը
- Հեղինակ: Vahe Hakobyan
- Sportaran
Բրազիլիայի հավաքականի հարձակվող Նեյմարը կրկին առողջական խնդիրների է բախվել 2026 թվականի աշխարհի առաջնության մեկնարկից քիչ առաջ։
Աղբյուրների տեղեկություններով՝ բժշկական հետազոտությունը հաստատել է ֆուտբոլիստի նոր վնասվածքը։ Սպասվում է, որ վերականգնումը կտևի մոտ երկու-երեք շաբաթ։ Դրա պատճառով Նեյմարը, ամենայն հավանականությամբ, բաց կթողնի Բրազիլիայի հավաքականի ընկերական հանդիպումները մունդիալից առաջ, ինչպես նաև կարող է չհասցնել լիովին ապաքինվել աշխարհի առաջնության մեկնարկային խաղին՝ Մարոկկոյի դեմ։
Իրավիճակը հատկապես մտահոգիչ է բրազիլական թիմի համար, քանի որ ավելի վաղ Նեյմարը անսպասելիորեն ընդգրկվել էր Բրազիլիայի հավաքականի կազմում ԱԱ-2026-ի համար։ Նրա անունը ուղիղ եթերում հայտարարել էր գլխավոր մարզիչ Կառլո Անչելոտին։ Շատ կանխատեսումներով՝ 34-ամյա հարձակվողը չպետք է ընդգրկվեր վերջնական հայտացուցակում՝ վերջին տարիներին հաճախակի վնասվածքների և անկայուն խաղային պրակտիկայի պատճառով։
Այնուամենայնիվ, Անչելոտին որոշեց վստահել Նեյմարի փորձին և նրան ընդգրկեց թիմի կազմում։ Ֆուտբոլիստի համար սա կարող էր լինել ևս մեկ հնարավորություն՝ խաղալու աշխարհի առաջնությունում և օգնելու Բրազիլիայի հավաքականին չեմպիոնական պայքարում։
Այս պահին հայտնի չէ՝ արդյոք մարզչական շտաբը փոփոխություններ կկատարի կազմի մեջ, թե Բրազիլիան կմեկնի մրցաշարի՝ վնասվածք ունեցող ավագի հետ։ Վերջնական որոշումը, հավանաբար, կախված կլինի առաջիկա օրերին Նեյմարի վերականգնման ընթացքից։
2026 թվականի աշխարհի առաջնությունը կանցկացվի ԱՄՆ-ում, Կանադայում և Մեքսիկայում։ Բրազիլիայի հավաքականը մրցաշարը կսկսի Մարոկկոյի դեմ խաղով։