Մոլդովան Հայաստանի հետ խաղից առաջ ոչ-ոքի խաղաց Բուլղարիայի հետ
- Հեղինակ: Vahe Hakobyan
- Sportaran
Մոլդովայի հավաքականը ընկերական հանդիպում անցկացրեց Հայաստանի հավաքականի դեմ կայանալիք խաղից առաջ։
Հունիսի 5-ին Քիշնևում Մոլդովայի հավաքականը ոչ-ոքի խաղաց Բուլղարիայի ընտրանու հետ՝ 2:2։ Հանդիպումը ստացվեց արդյունավետ, իսկ մոլդովական թիմն իր երկու գոլերն էլ խփեց ընդմիջումից հետո։
Մոլդովայի հավաքականի կազմում աչքի ընկան Վիկտոր Բոգաչուկը և Վլադիսլավ Բաբոգլոն։ Բուլղարիայի կազմում գոլերի հեղինակ դարձան Գեորգի Ռուսևը և Մարին Պետկովը։
Այս հանդիպումը Մոլդովայի համար նախապատրաստության փուլերից մեկն էր Հայաստանի հավաքականի դեմ առաջիկա ընկերական խաղից առաջ, որը կկայանա հունիսի 9-ին Երևանում։
Հիշեցնենք, որ մինչ այդ Հայաստանի հավաքականը հունիսի 6-ին ընկերական հանդիպում կանցկացնի Ղազախստանի ընտրանու դեմ։ Ղազախստանի հետ խաղից հետո Եղիշե Մելիքյանի գլխավորած թիմը կմրցի Մոլդովայի հավաքականի հետ։