Մարկո Լազետիչը գոլի և գոլային փոխանցման հեղինակ է դարձել Սերբիայի Մ21 հավաքականի կազմում
- Հեղինակ: Vahe Hakobyan
- Sportaran
Երևանի «Նոայի» հարձակվող Մարկո Լազետիչը արդյունավետ խաղ է անցկացրել Սերբիայի երիտասարդական հավաքականի կազմում՝ Իրաքի Մ23 հավաքականի դեմ ընկերական խաղում։
Սերբիայի Մ21 հավաքականը վստահ հաղթանակ է տարել 3:0 հաշվով։ Լազետիչը խաղադաշտ է դուրս եկել ընդմիջումից հետո և հասցրել է աչքի ընկնել միանգամից երկու արդյունավետ գործողությամբ՝ գոլ խփելով և գոլային փոխանցում կատարելով։
Սա Սերբիայի Մ21 և Իրաքի Մ23 հավաքականների միջև երկրորդ ընկերական հանդիպումն էր։ Առաջին խաղը ևս ավարտվել էր սերբական թիմի՝ 3:0 հաշվով հաղթանակով։
Հաջորդ հանդիպումները Սերբիայի Մ21 հավաքականը կանցկացնի հոկտեմբերի 2-ին և 5-ին։ Երկու ընկերական խաղերում էլ սերբ երիտասարդների մրցակիցը կլինի Ռուսաստանի Մ21 հավաքականը։
«Նոայի» կազմում «Միլանի» նախկին ֆուտբոլիստն արդեն խփել է 4 գոլ և կատարել 2 գոլային փոխանցում։