Ազատ ոճի ըմբշամարտի Մ20 Եվրոպայի առաջնություն 2026․ Հայաստանը նվաճեց թիմային բրոնզը

Հուլիսի 12-ին Սկոպյեում (Հյուսիսային Մակեդոնիա) ավարտվեց ազատ ոճի ըմբշամարտի Մ20 տարեկանների Եվրոպայի առաջնությունը։ Հայաստանի հավաքականը 118 միավորով զբաղեցրեց երրորդ տեղը թիմային հաշվարկում։

Հայ ըմբիշները մրցաշարում նվաճեցին վեց մեդալ՝ երկու արծաթ և չորս բրոնզ։ Երեք մեդալ նվաճվեց մրցումների վերջին օրը։ Ռազմիկ Եփրեմյանը (86 կգ) դարձավ արծաթե մեդալակիր՝ եզրափակիչում պարտվելով Իսմայիլ Խանիևին (Ռուսաստան), իսկ Գագիկ Ղազարյանը (61 կգ) և Հենրիկ Այկյանը (125 կգ) հաղթեցին բրոնզե մեդալի համար գոտեմարտերում։

Թիմային հաշվարկի հաղթող դարձավ Ռուսաստանի հավաքականը՝ վաստակելով 194 միավոր։ Ռուս ազատ ոճայինները նվաճեցին հինգ ոսկե, մեկ արծաթե և երեք բրոնզե մեդալ։

Երկրորդ տեղը զբաղեցրեց Ադրբեջանը՝ 170 միավորով։ Ադրբեջանի հավաքականը նվաճեց երկու ոսկե, երկու արծաթե և չորս բրոնզե մեդալ։ Մեկական ոսկե մեդալ նվաճեցին նաև Գերմանիայի, Վրաստանի և Մոլդովայի ներկայացուցիչները։

Հայաստանի հավաքականի մեդալակիրները Մ20 Եվրոպայի առաջնությունում

Արծաթ

• Արեն Հայրապետյան՝ 65 կգ
• Ռազմիկ Եփրեմյան՝ 86 կգ

Բրոնզ

• Սաշա Պետրոսյան՝ 57 կգ
• Գագիկ Ղազարյան՝ 61 կգ
• Նարեկ Նիկողոսյան՝ 79 կգ
• Հենրիկ Այկյան՝ 125 կգ

Ազատ ոճի ըմբշամարտի Մ20 Եվրոպայի առաջնության արդյունքները

Մինչև 57 կգ

1. Մագոմեդ-Սալյահ Օզդամիրով (Ռուսաստան)
2. Էբուբեքիր Գյուր (Թուրքիա)
3. Սաշա Պետրոսյան (Հայաստան) և Մուհամմադ Իսմայիլով (Ադրբեջան)

Մինչև 61 կգ

1. Ուսման Ինդիրբաև (Ռուսաստան)
2. Ջամալ Աբբասով (Ադրբեջան)
3. Գագիկ Ղազարյան (Հայաստան) և Նուրեթթին Կապալ (Թուրքիա)

Մինչև 65 կգ

1. Մաքսիմ Դիմով (Մոլդովա)
2. Արեն Հայրապետյան (Հայաստան)
3. Խիզիր Դասիև (Ֆրանսիա) և Բաշիր Վերդիև (Ադրբեջան)

Մինչև 70 կգ

1. Հաջի Քարիմով (Ադրբեջան)
2. Բայսանգուր Բիթմուրզաև (Ֆրանսիա)
3. Ռամազան Աբդուլկադիրով (Ռուսաստան) և Իոնուց Տրիբոյ (Մոլդովա)

7-րդ տեղ՝ Դավիթ Դավթյան (Հայաստան)

Մինչև 74 կգ

1. Մանուել Վագին (Գերմանիա)
2. Նուրլան Աղազադա (Ադրբեջան)
3. Ինալ Չելդիև (Ռուսաստան) և Ումութ Ուսլու (Թուրքիա)

7-րդ տեղ՝ Վլադիմիր Ազարյան (Հայաստան)

Մինչև 79 կգ

1. Մագոմեդ Ալիբախարչիև (Ռուսաստան)
2. Բոգդան Օլեքսիենկո (Ուկրաինա)
3. Նարեկ Նիկողոսյան (Հայաստան) և Յասին Ուզուն (Թուրքիա)

Մինչև 86 կգ

1. Իսմայիլ Խանիև (Ռուսաստան)
2. Ռազմիկ Եփրեմյան (Հայաստան)
3. Մոհամմադ Աբասզադա (Ադրբեջան) և Արթուր Կոստյուկ (Ուկրաինա)

Մինչև 92 կգ

1. Արթուր Տոգոև (Ռուսաստան)
2. Էյյուփ Չեթին (Թուրքիա)
3. Սանդրո Կուրաշվիլի (Վրաստան) և Դարիուս Սաս (Ռումինիա)

11-րդ տեղ՝ Նարեկ Իկիլիկյան (Հայաստան)

Մինչև 97 կգ

1. Կոնստանտինե Պետրիաշվիլի (Վրաստան)
2. Ասխաբ Դադաև (Ֆրանսիա)
3. Շամիլ Տամբիև (Ռուսաստան) և Ֆարհադ Սուլեյմանլի (Ադրբեջան)

8-րդ տեղ՝ Հակոբ Հակոբյան (Հայաստան)

Մինչև 125 կգ

1. Յուսիֆ Դուրսունով (Ադրբեջան)
2. Սոսլան Գաբուև (Ռուսաստան)
3. Ալեքսանդրե Աբրամիշվիլի (Վրաստան) և Հենրիկ Հայկյան (Հայաստան)

Թիմային հաշվարկ

1. Ռուսաստան՝ 194 միավոր
2. Ադրբեջան՝ 170
3. Հայաստան՝ 118
4. Թուրքիա՝ 111
5. Վրաստան՝ 79

Այսպիսով, Հայաստանի հավաքականն ազատ ոճի ըմբշամարտի Մ20 Եվրոպայի առաջնությունն ավարտեց վեց մեդալով և թիմային հաշվարկի բրոնզով։

Ավելի վաղ Սկոպյեում ավարտվել էր հունահռոմեական ոճի ըմբշամարտի մրցաշարը, որտեղ Հայաստանի հավաքականը զբաղեցրել էր երկրորդ տեղը։