HYPE Georgia․ որտեղ դիտել Էդուարդ Վարդանյանի մասնակցությամբ մրցաշարը, մեկնարկի ժամը և ամբողջական քարտը
- Հեղինակ: Vahe Hakobyan
- Sportaran
Այսօր՝ սեպտեմբերի 19-ին, Թբիլիսիում կկայանա HYPE Georgia մարտական սպորտաձևերի խոշոր երեկոն, որի շրջանակում տեղի կունենան Submission Only կանոններով գոտեմարտեր և մերկ բռունցքներով մենամարտեր։
Հայ երկրպագուների համար մրցաշարի գլխավոր իրադարձություններից մեկը կլինի Էդուարդ Վարդանյանի (28-4) ելույթը։ Հայ մարտիկը կմրցի Վրաստանի ներկայացուցիչ, UFC-ի գործող մարտիկ Լևան Չոխելիի (15-4) հետ։ Նրանց դիմակայությունը կանցկացվի Submission Only կանոններով։
Երեկոյի գլխավոր իրադարձությունը կլինի վրացի Ռոման Դոլիձեի և Ուզբեկստանի ներկայացուցիչ Մահմուդ Մուրադովի գոտեմարտը։ Գրեփլինգի մրցումներում հանդես կգան նաև Մուհամմադ Մոկաևը, Վլադիմիր Խինչեգաշվիլին, Լիանա Ջոջուան և այլ հայտնի մարտիկներ։
Նախնական քարտում կկայանան մերկ բռունցքներով մենամարտեր։ Դրանց կմասնակցեն Հայաստանի ևս երկու ներկայացուցիչներ՝ Արմեն Աթաևը և Ալեքսանդր Բադալյանցը։
Ժամը քանիսին կմեկնարկի HYPE Georgia-ն
Մրցաշարը կանցկացվի Tbilisi Arena-ում։ Միջոցառման պաշտոնական մեկնարկը նախատեսված է 19:00-ին՝ Թբիլիսիի և Երևանի ժամանակով (18:00՝ Մոսկվայի ժամանակով)։ Մրցաշարի պաշտոնական կայքում նույնպես նշված է տեղական ժամանակով 19:00 մեկնարկը։
Որտեղ դիտել HYPE Georgia-ն առցանց
Մրցաշարի ուղիղ հեռարձակումը հասանելի կլինի անվճար Kick հարթակում։ HYPE-ի պաշտոնական կայքը որպես հեռարձակման հարթակ նշում է Hype Fighting ալիքը։
HYPE Georgia-ի ամբողջական քարտը — սեպտեմբերի 19
Հիմնական քարտ
- Ռոման Դոլիձե — Մահմուդ Մուրադով — Submission Only
- Մուհամմադ Մոկաև — Վլադիմիր Խինչեգաշվիլի — Submission Only
- Էդուարդ Վարդանյան — Լևան Չոխելի — Submission Only
- Շովխալ — Գալիմով — Submission Only
- Լիանա Ջոջուա — Մուշտարիյ — Submission Only
- Մեսխի — Ստրաննիկ — Submission Only
- Մարսել — Նուրուսով — Submission Only
- Սանժար — Տոկա Գազ — Bare Knuckle
Նախնական քարտ
- Աբբի — Սուլեյմանով — Bare Knuckle
- Նիկոլոզ — Աջիդով — Bare Knuckle
- Խաիտով — Արմեն Աթաև — Bare Knuckle
- Թայսոն — Կարատե — Bare Knuckle
- Շարիպով — Աբդուլլոև — Bare Knuckle
- Ակելբաև — Աբդուկարիմով — Bare Knuckle
- Դամիր — Ալեքսանդր Բադալյանց — Bare Knuckle
- Մամեդով — Ջանիյկուլով — Bare Knuckle
Նշենք, որ Submission Only ձևաչափը չի նախատեսում մրցավարների որոշում կամ միավորների հաշվարկ։ Հաղթանակը շնորհվում է մրցակցին հանձնվելու ստիպելու դեպքում, իսկ սահմանված ժամանակի ավարտից հետո հնարավոր է գրանցվի ոչ-ոքի։