Հարվի Սարաջյանը գոլային փոխանցում կատարեց «Օրլանդո Սիթիի»՝ «Ֆիլադելֆիայի» դեմ խաղում
- Հեղինակ: Vahe Hakobyan
- Sportaran
21-ամյա վինգեր Հարվի Սարաջյանը գոլային փոխանցում կատարեց MLS-ի՝ «Ֆիլադելֆիա Յունիոնի» դեմ արտագնա խաղում։ «Օրլանդո Սիթին» պարտվեց 2:4 հաշվով։
Սարաջյանը փոխարինման մտավ երկրորդ խաղակեսում։ 90-րդ րոպեին նա գնդակն ուղարկեց տուգանային հրապարակի կենտրոն, որտեղից Մարտին Օխեդան խփեց հյուրերի երկրորդ գոլը։ Այդ պահին «Օրլանդոն» պարտվում էր 1:4 հաշվով։ Ավելի վաղ հյուրերից աչքի էր ընկել Իվան Անգուլոն, իսկ տանտերերի կազմում հեթ-տրիկ էր ձևակերպել Միլան Իլոսկին։
Սա Սարաջյանի երկրորդ գոլային փոխանցումն է հիմնական թիմի կազմում այս մրցաշրջանում։ Ավելի վաղ նա խփել էր նաև իր առաջին գոլը MLS-ում։ MLS NEXT Pro-ում հանդես եկող «Օրլանդո Սիթի B»-ի կազմում վինգերն ունի յոթ գոլ և վեց գոլային փոխանցում։ Սարաջյանը միացել է ակումբին այն բանից հետո, երբ «Օրլանդոն» նրան ընտրել է MLS-ի 2026 թվականի դրաֆթի ընդհանուր հինգերորդ համարով։ Ֆուտբոլիստն ունի հայկական արմատներ և չի բացառում Հայաստանի հավաքականում հանդես գալու հնարավորությունը։ Orlando City
27 խաղից հետո «Օրլանդո Սիթին» ունի 34 միավոր։