Էդուարդ Սպերցյանը հաղթական գոլ խփեց և ճանաչվեց «Ալ-Ահլիի» խաղի լավագույն ֆուտբոլիստ

Էդուարդ Սպերցյանը վառ մեկնարկեց մրցաշրջանը Սաուդյան Արաբիայում։ «Ալ-Ահլիի» կիսապաշտպանը Պրո լիգայի առաջին տուրի՝ «Ալ-Դիրիայի» դեմ խաղում խփեց հաղթական գոլը և ճանաչվեց հանդիպման լավագույն ֆուտբոլիստ։

«Ալ-Ահլին» 1:0 հաշվով հաղթեց «Ալ-Դիրիային»։ Հանդիպման միակ գոլը 25-րդ րոպեին խփեց Հայաստանի հավաքականի ավագ Էդուարդ Սպերցյանը։

ՍՊԵՐՑՅԱՆԻ ԳՈԼԻ ՏԵՍԱՆՅՈՒԹԸ՝

Հայ կիսապաշտպանը խաղադաշտում անցկացրեց 89 րոպե և ստացավ SofaScore-ի ամենաբարձր գնահատականը՝ 8,4։ Հանդիպման ավարտից հետո Սպերցյանը նաև լիգայի կողմից արժանացավ խաղի լավագույն ֆուտբոլիստի մրցանակին։

Էդուարդ Սպերցյանի վիճակագրությունը «Ալ-Դիրիայի» դեմ խաղում

• Խաղաժամանակ՝ 89 րոպե
• Գոլեր՝ 1
• Հարվածներ՝ 1
• Ճշգրիտ փոխանցումներ՝ 28-ը 29-ից (97%)
• Առանցքային փոխանցումներ՝ 6
• Ստեղծած գոլային պահեր՝ 1
• Սպասվող գոլային փոխանցումներ (xA)՝ 0,3
• Փոխանցումներ եզրից՝ 5-ը 7-ից
• Վաստակած խախտումներ՝ 1
• Գնդակի կորուստներ՝ 6
• Գնդակի խլումներ՝ 2
• Գնդակի հեռացումներ՝ 2
• Գնդակի վերադարձներ՝ 1
• SofaScore-ի գնահատական՝ 8,4

Այսպիսով, Սպերցյանը մրցաշրջանը սկսեց հաղթական գոլով և հանդիպման լավագույն ֆուտբոլիստի մրցանակով՝ դառնալով «Ալ-Ահլիի» առաջին տուրի գլխավոր հերոսներից մեկը։

Ե՞րբ է «Ալ-Ահլիի» հաջորդ հանդիպումը

Օգոստոսի 17-ին «Ալ-Ահլին» Թագավորի գավաթի խաղում կմրցի առաջին դիվիզիոնի ակումբի դեմ։ Այդ հանդիպմանը հայ ֆուտբոլիստը, ամենայն հավանականությամբ, հանգստի հնարավորություն կստանա։

Առաջնության հաջորդ հանդիպումը կկայանա օգոստոսի 22-ին․ Էդուարդ Սպերցյանի թիմը կմրցի «Աբհայի» դեմ, որի կազմում հանդես է գալիս Նաբիլ Ֆեկիրը։