Ջանես Նազարյանը կկատարի «Փյունիկ» — «Վան» հանդիպման խորհրդանշական առաջին հարվածը
Ըմբշամարտ
- Հեղինակ: Vahe Hakobyan
- Sportaran
Մինչև 17 տարեկանների հունահռոմեական ոճի ըմբշամարտի աշխարհի կրկնակի չեմպիոն Ջանես Նազարյանը կլինի Հայաստանի առաջնության «Փյունիկ» — «Վան» հանդիպման պատվավոր հյուրը։
Հայ ըմբիշը կմասնակցի հանդիպման մեկնարկից առաջ կայանալիք հանդիսավոր արարողությանը և կկատարի խաղի խորհրդանշական առաջին հարվածը։
Վերջերս Նազարյանը փայլուն ելույթ ունեցավ Բաքվում կայացած մինչև 17 տարեկանների աշխարհի առաջնությունում՝ նվաճելով ոսկե մեդալ և իր կարիերայում երկրորդ անգամ դառնալով աշխարհի չեմպիոն այս տարիքային խմբում։
«Փյունիկ» — «Վան» հանդիպումը կկայանա օգոստոսի 9-ին՝ Ավանի ֆուտբոլի ակադեմիայում։ Խաղի սկիզբը՝ ժամը 17:00-ին։
Երկրպագուներին սպասում ենք մարզադաշտում՝ միասին ողջունելու մեր չեմպիոնին և աջակցելու թիմերին Հայաստանի առաջնության խաղում։