Բեգլարյանը փրկում էր, Իվուն՝ խլում գնդակները. ովքեր էին Հայաստանի հավաքականի լավագույնները Չեռնոգորիայի դեմ խաղում

Հայաստանի հավաքականը ոչ-ոքի խաղաց Չեռնոգորիայի հետ՝ 0:0, ՈՒԵՖԱ-ի Ազգերի լիգայի չորրորդ տուրի խաղում։ Պոդգորիցայում կայացած հանդիպումը հարուստ չէր գոլային պահերով, իսկ Հայաստանի հավաքականի արդյունքի հարցում կարևոր դեր խաղաց հուսալի պաշտպանությունը։

SofaScore-ի գնահատականներով Հայաստանի հավաքականի լավագույն ֆուտբոլիստները դարձան դարպասապահ Արսեն Բեգլարյանը և պաշտպան Գեորգի Հարությունյանը․ երկուսն էլ ստացան 7,5 միավոր։

Դարպասապահ Բեգլարյանը շտկեց Կիպրոսի դեմ խաղում թույլ տված կոպիտ սխալը։ Նա վստահ հանդիպում անցկացրեց, կատարեց հինգ սեյվ և անառիկ պահեց սեփական դարպասը։

Կենտրոնական պաշտպան Գեորգի Հարությունյանը չորրորդ խաղն անընդմեջ հայտնվեց մեկնարկային կազմում և կրկին դարձավ պաշտպանության առաջատարներից մեկը։ Այս չորս հանդիպումներում Հարությունյանը ցույց տվեց, որ զգալիորեն առաջընթաց է գրանցել որպես ֆուտբոլիստ։ Նա վստահ էր սկսում գրոհները, հաճախ հաջողությամբ խաղում էր առաջ ընկնելով մրցակցից, ինչպես նաև վտանգավոր էր անկյունայինների ժամանակ։

Վատ չխաղաց նաև մյուս կենտրոնական պաշտպան Էրիկ Սիմոնյանը, որի համար սա ընդամենը երկրորդ խաղն էր մեկնարկային կազմում։

SofaScore-ի լավագույն գնահատականները

7,5 — Արսեն Բեգլարյան, Գեորգի Հարությունյան
7,2 — Էրիկ Փիլոյան, Էրիկ Սիմոնյան, Նարեկ Հովհաննիսյան, Ուգոչուկվու Իվու
7,1 — Արթուր Սերոբյան

Հայաստանը գրեթե վտանգավոր պահեր չստեղծեց

Հանդիպումը փակ բնույթ ուներ, ինչը լավ արտահայտվում է նաև առանձին ֆուտբոլիստների սպասվող գոլերի ցուցանիշներում։

Հայաստանի հավաքականի ֆուտբոլիստներից լավագույն xG ցուցանիշն ուներ Արթուր Սերոբյանը՝ 0,07։ Նրան հաջորդեց Գեորգի Հարությունյանը՝ 0,05։

Հայաստանի ֆուտբոլիստների xG-ը․

0,07 — Արթուր Սերոբյան
0,05 — Գեորգի Հարությունյան
0,02 — Նաիր Տիկնիզյան, Արթուր Միրանյան, Ուգոչուկվու Իվու
0,01 — Կարլեն Հովհաննիսյան, Նարեկ Հովհաննիսյան

Հարությունյանը՝ փոխանցումների առաջատար

Հայաստանի հավաքականի ֆուտբոլիստներից ամենաշատ ճշգրիտ փոխանցումները կատարել է Գեորգի Հարությունյանը՝ 42 փոխանցում՝ 88% ճշգրտությամբ։

Հաջորդում են․

34 փոխանցում — Կարլեն Հովհաննիսյան (85%)
33 փոխանցում — Նաիր Տիկնիզյան (83%)

Միևնույն ժամանակ թիմի գլխավոր ստեղծագործողը դարձավ Արթուր Սերոբյանը, որը կատարեց միանգամից երեք առանցքային փոխանցում։

Առանցքային փոխանցումներ․

3 — Արթուր Սերոբյան
2 — Գոռ Մանվելյան
1 — Նարեկ Հովհաննիսյան, Նաիր Տիկնիզյան, Էդուարդ Սպերցյան

Սերոբյանը նաև Հայաստանի հավաքականի առաջատարն էր հաջող դրիբլինգների քանակով՝ երեք։ Մեկական հաջող շրջանցում ունեցան Նարեկ Հովհաննիսյանն ու Ուգոչուկվու Իվուն։

Իվուն մեծ ծավալի աշխատանք կատարեց խաղադաշտի կենտրոնում

Հայաստանի հավաքականի պաշտպանական աշխատանքի ամենաակտիվ ֆուտբոլիստներից մեկը Ուգոչուկվու Իվուն էր։

Կիսապաշտպանը կատարեց հինգ խլում և երեք փոխանցման կասեցում՝ լավագույն ցուցանիշները Հայաստանի հավաքականում։ Անվանականորեն Իվուն խաղում էր կիսապաշտպանության կենտրոնում, սակայն պաշտպանության ժամանակ շատ հաճախ հետ էր քաշվում և դառնում երրորդ կենտրոնական պաշտպանը։

Խլումներ․

5 — Ուգոչուկվու Իվու
3 — Նարեկ Հովհաննիսյան
2 — Գեորգի Հարությունյան

Փոխանցումների կասեցումներ․

3 — Ուգոչուկվու Իվու
2 — Նաիր Տիկնիզյան
1 — Գեորգի Հարությունյան, Նարեկ Հովհաննիսյան, Էդուարդ Սպերցյան

Իվուն նաև հաղթեց 8 մենապայքարից 7-ում։

Նարեկ Հովհաննիսյանը հաղթեց մենապայքարների 80%-ում

Հաղթած մենապայքարների ընդհանուր քանակով լավագույն ցուցանիշն ուներ Նարեկ Հովհաննիսյանը՝ 10-ից 8-ը։

Հաղթած մենապայքարներ․

8-ը 10-ից — Նարեկ Հովհաննիսյան
7-ը 8-ից — Ուգոչուկվու Իվու
5-ը 9-ից — Արթուր Սերոբյան

Բացի այդ, Նարեկի նկատմամբ մրցակիցները խախտեցին կանոնները չորս անգամ՝ ամենաշատը Հայաստանի հավաքականի կազմում։ Հենց նրա նկատմամբ խախտման համար Ստեֆան Լոնչարը 87-րդ րոպեին կարմիր քարտ ստացավ։ Երկուական խախտում իրենց նկատմամբ վաստակեցին Էրիկ Փիլոյանը, Արթուր Սերոբյանը և Էդուարդ Սպերցյանը։

Փիլոյանն ու Սիմոնյանը՝ գնդակի հեռացումների առաջատարներ

Հայաստանի հավաքականի կենտրոնական պաշտպանները մեծ ծավալի աշխատանք կատարեցին սեփական դարպասի մոտ։

Էրիկ Փիլոյանը կատարեց յոթ հեռացում, իսկ Էրիկ Սիմոնյանը՝ վեց։ Գեորգի Հարությունյանն ու Նաիր Տիկնիզյանը կատարեցին ևս չորսական հեռացում։