«Ավշար Արարատը» հաղթեց «Կիլիկիային» Հայաստանի գավաթի 2026/27 մրցաշրջանի մեկնարկային խաղում

Հայաստանում մեկնարկել է 2026/27 մրցաշրջանի ազգային գավաթի խաղարկությունը։ Նախնական փուլի առաջին խաղում «Ավշար Արարատը» հաղթանակ տարավ սիրողական Ա լիգայի գործող չեմպիոն «Կիլիկիայի» նկատմամբ։ Չարենցավանում կայացած հանդիպումն ավարտվեց 4:2 հաշվով։

Հանդիպման մեկնարկը «Կիլիկիայի» օգտին էր։ Արդեն 9-րդ րոպեին Ռաֆայել Մովսիսյանը բացեց հաշիվը։ Տասը րոպե անց Ջոն Լագբելը հավասարեցրեց հաշիվը, սակայն 31-րդ րոպեին Մովսիսյանը դուբլ ձևակերպեց և կրկին առաջ մղեց «Կիլիկիային»։

Ընդմիջումից հետո «Ավշար Արարատին» հաջողվեց բեկել հանդիպման ընթացքը։ 63-րդ րոպեին Լագբելը խփեց իր երկրորդ գոլը, իսկ 73-րդ րոպեին Էդգար Գուլինյանը առաջին անգամ իր թիմին առաջ մղեց։ Վերջնական հաշիվը փոխհատուցված ժամանակում ձևակերպեց Խալիա Խագագի Խալիլ Էլնուբին՝ 4:2։

Այսպիսով, «Ավշար Արարատը» հաջողությամբ հաղթահարեց Հայաստանի գավաթի նախնական փուլը։

Մրցաշարի այս փուլի ևս մեկ հանդիպում կկայանա օգոստոսի 25-ին։ Չարենցավանում «Անդրանիկը» կընդունի «Էջմիածնին»։

Հայաստանի գավաթ 2026/27. Նախնական փուլ

«Ավշար Արարատ» — «Կիլիկիա»՝ 4:2

Գոլեր՝ Լագբել՝ 19, 63, Գուլինյան՝ 73, Խագագի Խալիլ Էլնուբի՝ 90+4 — Մովսիսյան՝ 9, 31։

Մրցավար՝ Սարգիս Խաչատրյան։

Մարզադաշտ՝ Չարենցավան, «Քաղաքային»։