Արթուր Հարությունյանը պարտվեց Նիզամբեկ Աբդրաշիդովին BRAVE CF 105-ում
- Հեղինակ: Vahe Hakobyan
- Sportaran
Հայ MMA մարտիկ Արթուր Հարությունյանը պարտություն կրեց Ղազախստանի մայրաքաղաք Աստանայում կայացած BRAVE CF 105 մրցաշարում։
Հարությունյանը մենամարտեց Ղրղզստանի ներկայացուցիչ Նիզամբեկ Աբդրաշիդովի դեմ։ Մենամարտը տևեց բոլոր երեք ռաունդները և ավարտվեց Աբդրաշիդովի հաղթանակով՝ մրցավարների միաձայն որոշմամբ։
Ղրղզ մարտիկն առաջին րոպեներից Արթուրին առաջարկեց ծանր և կպչուն պայքար՝ կարողանալով պարտադրել իրեն հարմար սցենարը։ Հարությունյանի համար դժվար էր ազատ տարածություն գտնել իր գրոհների համար, իսկ Աբդրաշիդովը գործեց պրագմատիկ, վերահսկեց մենամարտի ընթացքն ու միավորներ հավաքեց պայքարի և դիրքային աշխատանքի շնորհիվ։
Արթուր Հարությունյանի համար սա արդեն երկրորդ պարտությունն էր BRAVE CF լիգայում։ Ավելի վաղ հայ մարտիկը զիջել էր նաև Ռամազան Գիտինովին։
Այս մենամարտից հետո Հարությունյանի պրոֆեսիոնալ ռեկորդը կազմում է 11 հաղթանակ և 5 պարտություն։ Նիզամբեկ Աբդրաշիդովը, իր հերթին, բարելավեց իր ցուցանիշը՝ հասցնելով այն 12 հաղթանակի և 3 պարտության։