Արտյոմ Սիմոնյանը «Ռոտորի» կազմում խփել է իր չորրորդ գոլն այս մրցաշրջանում
Ֆուտբոլ
- Հեղինակ: Vahe Hakobyan
- Sportaran
31-ամյա հայ կիսապաշտպան Արտյոմ Սիմոնյանը շարունակում է արդյունավետ ելույթները Վոլգոգրադի «Ռոտորի» կազմում՝ Ռուսաստանի Առաջին լիգայում։
Ուլյանովսկի «Վոլգայի» դեմ խաղում Սիմոնյանը գոլի հեղինակ է դարձել 50-րդ րոպեին՝ հավասարեցնելով հաշիվը՝ 1։1։ Ի վերջո, հանդիպումն ավարտվել է արդյունավետ ոչ-ոքիով՝ 2։2։
Հայ ֆուտբոլիստի համար սա արդեն չորրորդ գոլն էր Ռուսաստանի Առաջին լիգայի ընթացիկ մրցաշրջանում։ Բացի այդ, Սիմոնյանը 13 խաղում կատարել է երեք գոլային փոխանցում։
Այսպիսով, կիսապաշտպանն անմիջական մասնակցություն է ունեցել իր թիմի յոթ գոլերին՝ ցուցադրելով իր կարիերայի լավագույն արդյունավետության ցուցանիշներից մեկը։
«Վոլգայի» հետ ոչ-ոքիից հետո Վոլգոգրադի «Ռոտորը» Ռուսաստանի Առաջին լիգայի մրցաշարային աղյուսակում զբաղեցնում է 8-րդ տեղը։
Անձ:
Արտյոմ Սիմոնյան