Հայ մարտիկ Մարտուն Մեջլումյանը վերադառնում է օկտագոն գրեթե երեք տարվա դադարից հետո

Արդեն այս ուրբաթ՝ հունիսի 13-ին, Աբու Դաբիում տեղի կունենա UAE Warriors 60 մրցաշարը, որտեղ վանդա կվերադառնա հայ մարզիկ Մարտուն Մեջլումյանը (14-3): «Առյուծի Սիրտ» թիմի ներկայացուցիչը մրցելու է վտանգավոր հակառակորդի՝ բրազիլացի Իտալո Գոմեշի (13-5) դեմ:

Մեջլումյանի համար սա կլինի իր հինգերորդ մենամարտը UAE Warriors լիգայի շրջանակում։ Նախորդ չորս մենամարտերում նա հաղթել է բոլորում՝ հաստատելով իրեն որպես տարածաշրջանի ամենավառ ներկայացուցիչներից մեկը։ Այժմ Մարտունը երկու անընդմեջ հաղթանակների շարքում է եւ վճռական է շարունակել այդ շարքը՝ չնայած երկարատեւ դադարին. վերջին մենամարտն անցկացրել է գրեթե երեք տարի առաջ։

Իսկ Իտալո Գոմեշը հայտնի է իր կայունությամբ ու ագրեսիվ ոճով։ Նա իր հաշվին ունի 13 հաղթանակ և 5 պարտություն եւ հաստատ չի պատրաստվում դառնալ հեշտ թիրախ։

UAE Warriors 60
Մարտուն Մեջլումյան (14-3) vs Իտալո Գոմեշ (13-5)
Հունիսի 13, Աբու Դաբի
Մրցաշարը կարելի է դիտել ուղիղ եթերում՝ UFC Fight Pass հարթակում։