Հայ ձյուդոիստները մեկնարկել են Պոդգորիցայում ընթացող Մ21 Եվրոպայի առաջնությունում
- Հեղինակ: Vahe Hakobyan
- Sportaran
Պոդգորիցայում մեկնարկել է մինչև 21 տարեկանների ձյուդոյի Եվրոպայի առաջնությունը։ Մրցումային առաջին օրը տատամի են դուրս եկել Հայաստանի հավաքականի չորս ներկայացուցիչներ։
Մինչև 60 կգ քաշային կարգում Հայկ Դարբինյանը իր առաջին գոտեմարտում պարտվել է ուկրաինացի Դանիլո Ավրամենկոյին և ավարտել ելույթը մրցաշարում։
Այս քաշային կարգում Հայաստանի մյուս ներկայացուցիչը՝ Շավարշ Նահապետյանը, հաջող է սկսել մրցելույթները՝ առաջին գոտեմարտում հաղթելով շվեդ Ալբին Ֆորսելիուսին։ Սակայն հաջորդ փուլում հայ ձյուդոիստը պարտվել է իտալացի Ֆրանչեսկո Կրոչիանիին։
Մինչև 66 կգ քաշային կարգում Լևա Սրապյանը մեկնարկային գոտեմարտում պարտվել է սերբ Վելկո Շիմիչին, իսկ Արշակ Բեհչյանը իր առաջին մենամարտում զիջել է լիտվացի Սիմաս Պոլիկևիչյուսին։
Վաղը երիտասարդների Եվրոպայի առաջնությունում պայքարը կշարունակեն Հայաստանի հավաքականի ևս երկու ներկայացուցիչներ․ Ժիրայր Ղամբարյանը հանդես կգա մինչև 73 կգ, իսկ Տիգրան Սարուխանյանը՝ մինչև 81 կգ քաշային կարգում։
Չեռնոգորիայի մայրաքաղաքում անցկացվող մրցաշարը կշարունակվի սեպտեմբերի 3-ից 5-ը։