Հայ մարտիկները 12 մենամարտում 11 հաղթանակ տարան Երևանում կայացած ARMAT FS x ORION FC մրցաշարում

Սեպտեմբերի 26-ին Երևանի Tashir Arena-ում կայացավ ARMAT FS x ORION FC մրցաշարը։ 12 մենամարտերում Հայաստանի ներկայացուցիչները մրցեցին Իրանի, Ղազախստանի, Ռուսաստանի և Ուզբեկստանի մարտիկների հետ։ «Առյուծի սիրտ» ակումբը ներկայացնող հայ մարզիկները տարան 11 հաղթանակ։ Մրցաշարը մեկնաբանում էր MMA-ի հայտնի մարտիկ և ակումբի առաջնորդ Էդուարդ Վարդանյանը։

Գլխավոր մենամարտում Սուրեն Պետրոսյանը հաղթեց ռուսաստանցի Դանիլ Վոլկովին։ Երկրորդ ռաունդից հետո մրցավարը դադարեցրեց մենամարտը Վոլկովի ստացած վնասվածքների պատճառով։ Մրցաշարում հայ մարտիկների միակ պարտությունը կրեց Դավիթ Խաչատրյանը՝ երկրորդ ռաունդում զիջելով իրանցի Մոհամմադռեզա Սոլեյմանիին։

Հիմնական քարտի արդյունքները

• Սուրեն Պետրոսյան (Հայաստան) — հաղթանակ Դանիլ Վոլկովի (Ռուսաստան) նկատմամբ. մենամարտը դադարեցվեց երկրորդ ռաունդից հետո։

• Սերգո Ալեքսանյան (Հայաստան) — հաղթանակ Ատիլբեկ Աալիկովի (Ղազախստան) նկատմամբ տեխնիկական նոկաուտով՝ առաջին ռաունդում։

• Դավիթ Խաչատրյան (Հայաստան) — պարտություն Մոհամմադռեզա Սոլեյմանիից (Իրան)՝ երկրորդ ռաունդում։

• Հովհաննես Նաղաբեդյան (Հայաստան) — հաղթանակ Աբբոս Պարդաբոևի (Ուզբեկստան) նկատմամբ. մենամարտը դադարեցվեց բժիշկների որոշմամբ առաջին ռաունդից հետո։

Նախնական քարտի արդյունքները

• Արսեն Ալեքսանյան (Հայաստան) — հաղթանակ Մոհամմադ Ռեզա Մողադդասիի (Իրան) նկատմամբ խեղդող հնարքով՝ առաջին ռաունդում։

• Նարեկ Արուսխանյան (Հայաստան) — հաղթանակ Յունես Սալարիանի (Իրան) նկատմամբ տեխնիկական նոկաուտով՝ առաջին ռաունդում։

• Ռաֆիկ Ավդոյան (Հայաստան) — հաղթանակ Արեֆ Անսարիի (Իրան) նկատմամբ խեղդող հնարքով՝ առաջին ռաունդում։

• Արսեն Ավետիսյան (Հայաստան) — հաղթանակ Ամիր Աթա Սեյլաբադիի (Իրան) նկատմամբ ցավեցնող հնարքով՝ առաջին ռաունդում։

• Տիգրան Նազարյան (Հայաստան) — հաղթանակ Յասեր Յասինիի (Իրան) նկատմամբ խեղդող հնարքով՝ առաջին ռաունդում։

• Արտյոմ Գալաչյան (Հայաստան) — հաղթանակ Շահին Ֆաթհոլլահիի (Իրան) նկատմամբ մրցավարների միաձայն որոշմամբ։

• Լեոն Մանվելյանց (Հայաստան) — հաղթանակ Մեհրան Փայմարդիի (Իրան) նկատմամբ տեխնիկական նոկաուտով՝ երրորդ ռաունդում։

• Արտակ Բալայան (Հայաստան) — հաղթանակ Մեհդի Բաբախանիի (Իրան) նկատմամբ խեղդող հնարքով՝ երրորդ ռաունդում։