Հայաստանի մինչև 19 տարեկանների հավաքականը ոչ-ոքի խաղաց Էստոնիայի հետ. Հովհաննիսյանը գոլ խփեց, Բատոյանը չիրացրեց 11 մետրանոց հարվածը

Հայաստանի Մ19 հավաքականն անցկացրեց Էստոնիայի հասակակիցների դեմ նախատեսված երկու ընկերական հանդիպումներից առաջինը։ Խաղն ավարտվեց ոչ-ոքի՝ 1:1 հաշվով։

Հայաստանի հավաքականի կազմում միակ գոլը խփեց «Արարատ-Արմենիայի» ֆուտբոլիստ Մարտուն Հովհաննիսյանը։

Հայաստանի հավաքականը նաև 11-մետրանոց հարված իրացնելու հնարավորություն ստացավ, սակայն ռուսական «Ռոստովում» հանդես եկող Դավիթ Բատոյանը չկարողացավ դիպուկ իրացնել այն։

Այսպիսով, թիմերի առաջին հանդիպումը հաղթող չորոշեց։

Հայաստանի Մ19 և Էստոնիայի Մ19 հավաքականների երկրորդ ընկերական հանդիպումը կկայանա հոկտեմբերի 5-ին։