«Արարատը» և «Շիրակը» հավասար միավորներով կշարունակեն պայքարը Պրեմիեր լիգայում մնալու համար

Հայաստանի Պրեմիեր լիգայի երկու հետնապահների հանդիպման ընթացքում «Արարատը» կարևոր հաղթանակ տարավ՝ հյուրընկալվելիս 2:0 հաշվով հաղթելով «Շիրակին»։

Երկու գոլն էլ խփեց Կալիֆա Դումբիան, որի հաշվին առաջնությունում արդեն կա 8 գոլ։

Այս խաղից հետո «Արարատն» ու «Շիրակը» ունեն 12-ական միավոր։ Մրցաշրջանի ավարտին այս թիմերից մեկը կլքի լիգան։

Յուրաքանչյուր թիմին առջևում մնացել է երեք տուր։

«Արարատը» կմրցի՝

• «Ուրարտուի»
• «Նոայի»
• ԲԿՄԱ-ի դեմ

«Շիրակը» կմրցի՝

• «Վանի»
• «Ուրարտուի»
• «Ալաշկերտի» դեմ

Թիմերի միջև անձնական հանդիպումների ցուցանիշներն էլ հավասար են, ուստի վերջին տեղը կորոշվի լրացուցիչ ցուցանիշներով։