«Արարատ-Արմենիան» իմացավ Չեմպիոնների լիգայի երկրորդ փուլի հնարավոր մրցակցին

Հունիսի 17-ին Նիոնում կայացավ Չեմպիոնների լիգայի 2026/27 մրցաշրջանի որակավորման երկրորդ փուլի վիճակահանությունը։

Հայաստանի չեմպիոն «Արարատ-Արմենիան» երկրորդ փուլ դուրս գալու դեպքում կխաղա Մալթայի «Ֆլորիանա» / Իռլանդիայի «Շեմրոկ Ռովերս» զույգի հաղթողի հետ։ Հիշեցնենք, որ որակավորման առաջին փուլում հայկական ակումբը կմրցի Լատվիայի «Ռիգայի» հետ։

Չեմպիոնների լիգայի երկրորդ փուլի առաջին հանդիպումները կկայանան հուլիսի 21/22-ին, պատասխան խաղերը՝ հուլիսի 28/29-ին։

Իրենց հնարավոր մրցակիցներին իմացան նաև հայ ֆուտբոլիստների թիմերը։ Նաիր Տիկնիզյանի «Ցրվենա Զվեզդան» կխաղա Սան Մարինոյի «Տրե Ֆիորի» / Հյուսիսային Իռլանդիայի «Լարն» զույգի հաղթողի հետ։ Տիգրան Բարսեղյանի «Սլովանը» կհանդիպի Էստոնիայի «Ֆլորա» / Վրաստանի «Իբերիա 1999» զույգի հաղթողին։

Չեմպիոնների լիգայի երկրորդ փուլի վիճակահանության ամբողջական արդյունքները

Չեմպիոնների ուղի

• «Մյելբյու» Շվեդիա — «Լինքոլն» Ջիբրալթար / «Ինտեր դ’Էսկալդես» Անդորրա
• «Տրե Ֆիորի» Սան Մարինո / «Լարն» Հյուսիսային Իռլանդիա — «Ցրվենա Զվեզդա» Սերբիա
• «Սաբահ» Ադրբեջան / «Նյու Սեյնթս» Ուելս — «Վարդար» Հյուսիսային Մակեդոնիա / ԿուՊՍ Ֆինլանդիա
• ԿԻ Կլակսվիկ Ֆարերյան կղզիներ / «Ատերտ Բիսեն» Լյուքսեմբուրգ — «Կաունո Ժալգիրիս» Լիտվա / «Դրիտա» Կոսովո
• ԱԳՖ Դանիա — «Լեխ» Լեհաստան
• «Արարատ-Արմենիա» Հայաստան / «Ռիգա» Լատվիա — «Ֆլորիանա» Մալթա / «Շեմրոկ Ռովերս» Իռլանդիա
• «Բորաց» Բանյա Լուկա / «Լևսկի» Սոֆիա — ՄԼ Վիտեբսկ Բելառուս / «Ունիվերսիտատյա Կրայովա» Ռումինիա
• «Օմոնիա» Կիպրոս — «Կայրաթ» Ղազախստան / «Սուտյեսկա Նիկշիչ» Չեռնոգորիա
• «Թուն» Շվեյցարիա — «Դինամո» Զագրեբ Խորվաթիա
• «Վիկինգուր» Իսլանդիա / ԷՏՕ Դյոր Հունգարիա — «Հապոել» Բեեր Շևա Իսրայել
• «Ֆլորա» Էստոնիա / «Իբերիա 1999» Վրաստան — «Սլովան» Բրատիսլավա Սլովակիա
• «Պետրոպկուբ» Մոլդովա / «Էգնատիա» Ալբանիա — «Ցելյե» Սլովենիա

Լիգաների ուղի

• «Ֆեներբահչե» Թուրքիա — «Գուրնիկ» Զաբժե Լեհաստան
• «Շտուրմ» Գրաց Ավստրիա — «Հարթս» Շոտլանդիա