«Արարատ-Արմենիան» ոչ-ոքի խաղաց «Մուրայի» հետ Հունգարիայում անցկացվող հավաքի առաջին ընկերական խաղում

«Արարատ-Արմենիան» անցկացրեց Հունգարիայում ընթացող ուսումնամարզական հավաքի առաջին ստուգողական հանդիպումը։ Թիմը ոչ-ոքի խաղաց սլովենական «Մուրայի» հետ՝ 1:1 հաշվով։ Հայկական ակումբի կազմում միակ գոլը խփեց Ուգո Օլիվեյրան։

«Մուրան» նախորդ մրցաշրջանում զբաղեցրել էր 8-րդ տեղը Սլովենիայի առաջնության բարձրագույն դիվիզիոնում։ Այս թիմը հուլիսի 4-ին ընկերական հանդիպում կանցկացնի նաև հայկական մեկ այլ ակումբի՝ «Նոայի» դեմ։

Հաջորդ ընկերական հանդիպումը «Արարատ-Արմենիան» կանցկացնի հունիսի 27-ին սերբական «Վոյվոդինայի» դեմ, որը նոր մրցաշրջանում հանդես կգա եվրագավաթներում։

Հիշեցնենք, որ «Արարատ-Արմենիան» պատրաստվում է Չեմպիոնների լիգայի որակավորման առաջին փուլին։ Հայկական ակումբի մրցակիցը կլինի լատվիական «Ռիգան»։ Դիմակայության առաջին հանդիպումը կկայանա հուլիսի 7-ին կամ 8-ին։