Ալինա Չարաևան չիրացրեց մատչբոլը և ավարտեց ելույթը Սեուլի WTA 250 մրցաշարում

Հայաստանը ներկայացնող Ալինա Չարաևան չկարողացավ դուրս գալ Korea Open WTA 250 մրցաշարի քառորդ եզրափակիչ։ Երկրորդ շրջանում աշխարհի 121-րդ ռակետը պարտվեց դասակարգման 69-րդ տեղում գտնվող հունգարուհի Աննա Բոնդարին՝ 4:6, 7:6 (8:6), 6:7 (5:7) հաշվով։

Հանդիպումը տևեց 3 ժամ 15 րոպե։ Վճռորոշ սեթում Չարաևան 6:5 հաշվի ժամանակ մատուցում էր հաղթանակի համար և ուներ մատչբոլ, սակայն Բոնդարը փրկվեց ու հաղթեց թայ-բրեյքում։

Առաջին շրջանում հայաստանցի թենիսիստուհին հաղթել էր աշխարհի նախկին չորրորդ ռակետ, Australian Open-ի չեմպիոնուհի Սոֆիա Քենինին՝ 3:6, 7:6 (7:4), 6:4 հաշվով։