Ալբերտ Սուքիասյանը արծաթե մեդալ է նվաճել Թբիլիսիում կայացած Աշխարհի գավաթի փուլի Գրան պրիում
Այլ սպորտաձևեր
- Հեղինակ: Vahe Hakobyan
- Sportaran
Հայ մարզիկ Ալբերտ Սուքիասյանը արծաթե մեդալ է նվաճել Թբիլիսիում կայացած ձիասպորտի Աշխարհի գավաթի CSI 1* W փուլի Գրան պրիում։
Հայաստանի հավաքականի ներկայացուցիչը հանդես է եկել «Լոգիկա» անունով նժույգով։ Վճռորոշ մրցապայքարում Սուքիասյանը հաջողությամբ հաղթահարել է մինչև 1,45 մետր բարձրությամբ արգելքներով երթուղին և Գրան պրիի արդյունքներով զբաղեցրել երկրորդ տեղը։
Այսպիսով, հայ ձիավորը Վրաստանում անցկացված միջազգային մրցաշարն ավարտել է արծաթե մեդալով։
Թբիլիսիում մարզիկի ելույթին հետևել են նաև Հայաստանի ձիասպորտի ֆեդերացիայի նախագահ Հայրապետ Հայրապետյանը և կազմակերպության գլխավոր քարտուղար Նորայր Ստեփանյանը։