Հակոբ Հակոբյանը «Արարատ-Արմենիայից» տեղափոխվել է «Ալաշկերտ»
- Հեղինակ: Vahe Hakobyan
- Sportaran
Հայ պաշտպան Հակոբ Հակոբյանը կարիերան կշարունակի «Ալաշկերտում»։ 29-ամյա ֆուտբոլիստը երևանյան ակումբին է միացել «Արարատ-Արմենիայից» հեռանալուց հետո։
Հակոբյանի պայմանագիրը Հայաստանի գործող չեմպիոնի հետ ավարտվել էր, ինչից հետո ֆուտբոլիստը պայմանագիր է ստորագրել «Ալաշկերտի» հետ։ Պայմանագրի մանրամասները դեռ չեն հաղորդվում։
Հակոբյանը բազմակողմանի ֆուտբոլիստ է և կարող է խաղալ ինչպես պաշտպանության աջ եզրում, այնպես էլ կիսապաշտպանությունում։ Նա նախկինում հրավիրվել է Հայաստանի ազգային հավաքական և անցկացրել 4 հանդիպում։
«Արարատ-Արմենիայի» կազմում պաշտպանը ընդհանուր առմամբ անցկացրել է 60 հանդիպում և դարձել 2 գոլի հեղինակ։ Հակոբյանը նաև Հայաստանի կրկնակի չեմպիոն է։
Հիշեցնենք, որ նոր մրցաշրջանում «Ալաշկերտը» հանդես կգա Կոնֆերենցիաների լիգայի որակավորման փուլում։ Ավելի վաղ թիմից հեռացել էին Յուրի Գարեգինյանը և Կլայդեր Մասեդոն։