Վաչագան Հովհաննիսյանը փայլուն հանդես եկավ East vs West որակավորման փուլում Ստամբուլում։

Վաչագան Հովհաննիսյանը (մինչև 70 կգ քաշային կարգ) բարձր պատրաստվածություն ցուցաբերեց հեղինակավոր East vs West սերիայի որակավորման մրցաշարում, որը կայացավ մայիսի 10-ին Ստամբուլում։ Հովհաննիսյանը գրավեց առաջին տեղը ձախ ձեռքով գոտեմարտերում և երկրորդը՝ աջ ձեռքով։

Այս արդյունքի շնորհիվ սպորտսմենը, ամենայն հավանականությամբ, կհրավիրվի մասնակցելու East vs West գլխավոր պրոֆեսիոնալ մրցաշարին, որը համախմբում է աշխարհի ուժեղագույն բազկամարտիկներին։

Հիշեցնենք, որ Վաչագանն այս միջազգային մրցաշարերին մասնակցելու հնարավորություն ստացել է «Ուրարտու» ֆուտբոլային ակումբի նախագահի ֆինանսական աջակցության շնորհիվ։