Վահան Բիչախչյանը գոլային փոխանցումով հանդես եկավ «Լեգիայի» կազմում (ՎԻԴԵՈ)
Ֆուտբոլ
Լեհաստանի Էքստրակլասայի 29-րդ տուրում Վարշավայի «Լեգիան» կամային հաղթանակ տարավ Գդանսկի «Լեխիայի» նկատմամբ՝ 2:1 հաշվով։ Հաղթական գոլը խփվեց ավելացված ժամանակի վեցերորդ րոպեին։
Հայաստանի հավաքականի կիսապաշտպան Վահան Բիչախչյանը խաղադաշտ դուրս եկավ 82-րդ րոպեին, իսկ արդեն 96-ին գոլային փոխանցում կատարեց Յան Ցիոլկովսկու հաղթական գոլին՝ իրացնելով անկյունային հարվածը թիմի վերջին հարձակման ժամանակ։
Սա Բիչախչյանի առաջին արդյունավետ գործողությունն էր «Լեգիայի» կազմում։