Տեղի ունեցավ Մ20 տարեկանների բասկետբոլի Եվրոպայի առաջնության (Բ դիվիզիոն) վիճակահանությունը

Մյունխենում տեղի ունեցավ Մ20 տարեկանների բասկետբոլի Եվրոպայի առաջնության Բ դիվիզիոնի վիճակահանությունը, որը պետք է անցկացվի Երևանում հուլիսի 11-ից 20-ը։

Հայաստանի Մ20 բասկետբոլի հավաքականը հայտնվեց «B» խմբում՝ ընդդեմ Իռլանդիայի, Լատվիայի, Չեռնոգորիայի և Էստոնիայի։ Այս խմբի ակնհայտ ֆավորիտը Լատվիայի հավաքականն է, որը բազմիցս մասնակցել է Ա դիվիզիոնի Եվրոպայի առաջնությանը և 2018 թվականին դարձել բրոնզե մեդալակիր։

Մ20 տարեկանների բասկետբոլի Եվրոպայի առաջնության (Բ դիվիզիոն) վիճակահանության արդյունքները.

Նույնպես Մյունխենում կայացան Եվրոպայի առաջնությունների (C դիվիզիոն) վիճակահանությունները U16 և U18 տարիքային խմբերում։

Հայաստանի Մ16 աղջիկների հավաքականը «Ա» խմբում կմրցի Ջիբրալթարի, Վրաստանի և Կիպրոսի հավաքականների հետ։
«B» խմբում կմրցեն Մոլդովան, Կոսովոն, Ալբանիան և Մալթան։
Մրցումները կանցկացվեն հուլիսի 8-ից 13-ը Կոսովոյում։

Հայաստանի Մ18 աղջիկների հավաքականը «Ա» խմբում կմրցի Ալբանիայի և Անդորրայի հետ։
«B» խմբում կմրցեն Մալթան, Վրաստանը, Կիպրոսը և Ջիբրալթարը։
Մրցումները կանցկացվեն հուլիսի 22-ից 27-ը Անդորրայում։

Հայաստանի Մ18 տղաների հավաքականը «Ա» խմբում կմրցի Մոնակոյի, Կիպրոսի, Սան Մարինոյի և Ջիբրալթարի հետ։
«B» խմբում կմրցեն Լյուքսեմբուրգը, Ալբանիան, Մոլդովան, Անդորրան և Մալթան։
Մրցումները կանցկացվեն հուլիսի 19-ից 27-ը Դուրեսում (Ալբանիա)։

Հայաստանի Մ16 տղաների հավաքականը «Ա» խմբում կմրցի Ալբանիայի, Մալթայի և Մոլդովայի հետ։
Մրցումները կանցկացվեն հուլիսի 5-ից 13-ը Տիրանայում։