«Փյունիկը» վեց գնդակ ուղարկեց «Շիրակի» դարպասը
«Փյունիկը» հզոր խաղ ցուցադրեց Fastex Հայաստանի Պրեմիեր Լիգայի 23-րդ տուրում՝ 6:1 հաշվով ջախջախելով Գյումրիի «Շիրակին»։
Գոլային ֆիեստան բացեց Սանի Բուխարին՝ տոն տալով ողջ հանդիպմանը։ Նրան հաջորդեցին Մատաս Վարեյկան, Սերժ Դեբլեն, Թեմուր Ջիկիան, Միխայիլ Կովալենկոն և Ժոել Բոպեսուն։ Բոպեսուի համար այս գոլը դեբյուտային էր «Փյունիկի» կազմում։ Իսկ հանդիպման հերոս դարձավ Ալեմաոն, որը երկու հիանալի գոլային փոխանցում կատարեց Սանի Բուխարիի և Սերժ Դեբլեի հասցեով։
«Շիրակը» կարողացավ պատասխանել միայն մեկ գոլով, որը հեղինակեց Ռոբերտ Դարբինյանը։
Այս վստահ հաղթանակը թույլ տվեց «Փյունիկին» ամրապնդել իր դիրքերը մրցաշարային աղյուսակի 3-րդ հորիզոնականում, մինչդեռ «Շիրակը» պահպանեց 6-րդ տեղը։
Առանձնահատուկ ուշադրության է արժանի Վարազդատ Հարոյանի և Սողոմոն Ուդոյի խաղը, որոնց համար սա վերջին հանդիպումն էր Հայաստանի հավաքական մեկնելուց առաջ։ Երկուսն էլ մասնակցեցին ամբողջ հանդիպմանը, իսկ Ուդոն գոլային փոխանցում կատարեց Կովալենկոյին։