Այսօր Եվրոպայի U23 առաջնությունում պայքարը սկսում են հինգ հայ ըմբիշներ

2026 թվականի մինչև 23 տարեկանների Եվրոպայի ազատ ոճի ըմբշամարտի առաջնության բացման օրը գորգ կելնեն հինգ հայ ըմբիշներ՝ Արման Հարությունյանը, Արման Մուսիկյանը, Դավիթ Մարգարյանը, Հայկ Պապիկյանը և Գուրգեն Սիմոնյանը։

Մրցաշարի հենց սկզբում երկու հայ ըմբիշներ կհանդիպեն Ռուսաստանը ներկայացնող շատ ուժեղ մրցակիցների հետ։

57 կգ — Արման Հարությունյան
1/8 եզրափակիչում առաջին մրցակիցը՝ Այանդար Օնդար (Ռուսաստան)

18-ամյա Արմանի համար սա կլինի առաջին մրցաշարը մինչև 23 տարեկանների մակարդակում։ Նախկինում նա մեդալներ է նվաճել մինչև 17 տարեկանների աշխարհի և Եվրոպայի առաջնություններում, ինչպես նաև մեկ անգամ մասնակցել է մինչև 20 տարեկանների աշխարհի առաջնությանը։

65 կգ — Արման Մուսիկյան
1/8 եզրափակիչում առաջին մրցակիցը՝ Զոլտան Մատե Միեյ (Հունգարիա)

Մուսիկյանը նույնպես առաջին անգամ կմրցի Հայաստանի մինչև 23 տարեկանների հավաքականի կազմում։ Ավելի վաղ նա դարձել է մինչև 20 տարեկանների աշխարհի առաջնության բրոնզե մեդալակիր։

70 կգ — Դավիթ Մարգարյան
1/8 եզրափակիչում առաջին մրցակիցը՝ Մագոմեդ Էլտեմիրով (Ռուսաստան)

Դավիթը արդեն մեկ անգամ հանդես է եկել մինչև 23 տարեկանների մակարդակում և 2025 թվականի մինչև 23 տարեկանների աշխարհի առաջնությունում զբաղեցրել է 5-րդ տեղը։

79 կգ — Հայկ Պապիկյան
1/8 եզրափակիչում առաջին մրցակիցը՝ Տրիստան Ալեքսանդրով (Էստոնիա)

Հայկը այս ցուցակի ամենափորձառու ըմբիշն է։ Պապիկյանը Հայաստանի մեծահասակների հավաքականը ներկայացրել է Եվրոպայի երկու առաջնություններում։ Նա մինչև 23 տարեկանների մակարդակում հանդես է գալիս 2023 թվականից, որտեղ դարձել է Եվրոպայի արծաթե մեդալակիր, ինչպես նաև մինչև 20 տարեկանների Եվրոպայի չեմպիոն։

97 կգ — Գուրգեն Սիմոնյան
1/8 եզրափակիչում առաջին մրցակիցը՝ Այմար Ալսոն Էգինոա (Իսպանիա)

Սիմոնյանը առաջին անգամ կմրցի մինչև 23 տարեկանների հավաքականի կազմում, սակայն նախկինում ներկայացրել է Հայաստանի մեծահասակների հավաքականը 2025 թվականի Եվրոպայի առաջնությունում։

Հայաստանի հավաքականի բոլոր արդյունքները կհրապարակվեն մեր կայքում՝ ԱՅՍՏԵՂ։
Մենամարտերի կրկնությունները հասանելի կլինեն մեր Telegram ալիքում։