Մարատ Գրիգորյանն ու Մամուկա Ուսուբյանը կհանդիպեն ONE-ի մրցաշարի քառորդ եզրափակիչում
- Հեղինակ: Vahe Hakobyan
- Sportaran
Հայաստանը ներկայացնող քիքբռնցքամարտիկներ Մարատ Գրիգորյանն ու Մամուկա Ուսուբյանը միմյանց դեմ մենամարտ կանցկացնեն ONE Championship-ի մրցաշարում։ Մենամարտը տեղի կունենա օգոստոսի 7-ին Բանգկոկում։
Այս դիմակայությունը կկայանա ONE-ի՝ կիսաթեթև քաշային կարգում անցկացվող նոր մրցաշարի քառորդ եզրափակիչի շրջանակում։
31-ամյա Մամուկա Ուսուբյանը եզդիական ծագում ունի։ Նա ծնվել է Հայաստանի Շամիրամ գյուղում։ Պրոֆեսիոնալ ռինգում Ուսուբյանը տարել է 26 հաղթանակ և կրել երկու պարտություն։
ONE Championship-ում քիքբռնցքամարտիկն անցկացրել է չորս մենամարտ և հաղթել բոլորում։ Այժմ նրան սպասվում է կարիերայի ամենալուրջ փորձություններից մեկը։
35-ամյա Մարատ Գրիգորյանն արդեն վեց տարի հանդես է գալիս ONE-ում և համարվում է նոր մրցաշարի գլխավոր ֆավորիտներից մեկը։ Հայ վետերանի հաշվին կա 70 հաղթանակ և 14 պարտություն։
Գրիգորյանը քառորդ եզրափակիչ մենամարտին մոտենում է երեք անընդմեջ հաղթանակից բաղկացած շարքով։ Դիմակայության հաղթողը կշարունակի պայքարը ONE Championship-ի նոր մրցաշարում։