Երևանում հայտնի են միջազգային վոլեյբոլի մրցաշարի հաղթողները

Երևանում ավարտվեց մինչև 16 տարեկան պատանիների վոլեյբոլի միջազգային մրցաշարը՝ «Երևանի քաղաքապետի գավաթ 2025»-ը։ Եզրափակիչ խաղային օրը տեղի ունեցան վերջին երկու հանդիպումները․ «Երևան-2» թիմը վստահ հաղթանակ տարավ Ուզբեկստանի հավաքականի նկատմամբ՝ 3:0 հաշվով, իսկ Վրաստանի հավաքականը 3:1 հաշվով հաղթեց «Երևան-1» թիմին։

Մրցաշարը նախապատրաստական փուլ էր մինչև 16 տարեկանների վոլեյբոլի Եվրոպայի առաջնության համար, որը կկայանա Երևանում՝ 2025 թ. հուլիսի 23-ից մինչև օգոստոսի 3-ը։ Հայաստանը հանդես կգա մրցաշարում որպես հյուրընկալող երկիր։

Մրցաշարի արդյունքներով տեղերը բաշխվեցին հետևյալ կերպ․
1-ին տեղ — Երևան-2
2-րդ տեղ — Ուզբեկստան
3-րդ տեղ — Վրաստան
4-րդ տեղ — Երևան-1

Մրցանակաբաշխությունը կայացավ Երևանի քաղաքապետ Տիգրան Ավինյանի մասնակցությամբ։ Նա թիմերին հանձնեց պատվոգրեր, մեդալներ և մրցաշարի գլխավոր գավաթը։ Հաղթող թիմը ստացավ Երևանի քաղաքապետի գավաթը, իսկ մրցաշարի վեց լավագույն խաղացողները արժանացան հատուկ մրցանակների։

Մրցանակային տեղերը զբաղեցրած թիմերը ստացան նաև դրամական պարգևներ․
— առաջին տեղի համար՝ 3 միլիոն դրամ,
— երկրորդի՝ 2 միլիոն դրամ,
— երրորդի՝ 1 միլիոն դրամ։

Մրցաշարը նախապատրաստություն էր մինչև 16 տարեկանների վոլեյբոլի Եվրոպայի առաջնությանը, որը կանցկացվի Երևանում 2025 թվականի հուլիսի 23-ից մինչև օգոստոսի 3-ը։ Հայաստանի հավաքականը հանդես կգա մրցաշարում որպես հյուրընկալող թիմ։