«Վանը» կենդանի է․ Էդգար Տորոսյանը գլխավորեց Չարենցավանի ակումբը
Ֆուտբոլ
- Հեղինակ: Vahe Hakobyan
- Sportaran
Չարենցավանի «Վան» ֆուտբոլային ակումբը կշարունակի իր գոյությունն ու մասնակցությունը Հայաստանի Պրեմիեր Լիգային։ Թիմի նոր գլխավոր մարզիչ է նշանակվել Էդգար Տորոսյանը։
41-ամյա մասնագետն արդեն փորձ ունի Հայաստանի բարձրագույն խմբում․ նախկինում նա գլխավորել է «Ալաշկերտը», «Արարատը» և «Շիրակը»։
Սա «Վանի» առաջին քայլն է ամառային տեղափոխումների ժամանակահատվածում․ մինչ այդ ակումբի ապագան անորոշ էր։ Այժմ պարզ է՝ թիմը ապրում է ու պատրաստվում է պայքարի։
Հիշեցնենք, որ ավելի վաղ «Վանի» ամբողջ ղեկավար կազմը և 17 ֆուտբոլիստներ տեղափոխվել էին «Ալաշկերտ»։ Այս մասին՝ մեր առանձին նյութում։ Տորոսյանի նշանակումը կարող է ազդարարել հակառակ շարժ՝ հնարավոր է, որ «Ալաշկերտի» մի շարք նախկին խաղացողներ հետևեն նրան և տեղափոխվեն Չարենցավան։