Արթուր Ասոյանը դուրս եկավ IMMAF 2026 Եվրոպայի առաջնության կիսաեզրափակիչ՝ Բելգրադում
- Հեղինակ: Vahe Hakobyan
- Sportaran
Հայ մարտարվեստի (MMA) մարզիկ Արթուր Ասոյանը (56.7 կգ) հաջող մեկնարկեց մեծահասակների IMMAF-ի հովանու ներքո անցկացվող Եվրոպայի առաջնությունում։ Մրցաշարը տեղի է ունենում Բելգրադում և համախմբել է մայրցամաքի ուժեղագույն մարզիկներին։
Իր առաջին մենամարտում Ասոյանը միաձայն դատավորների որոշմամբ հաղթանակ տարավ ուկրաինացի մարզիկ Ստանիսլավ Դրեմիլյուգայի նկատմամբ և վստահորեն դուրս եկավ կիսաեզրափակիչ։
Հայ մարզիկի հաջորդ մրցակիցը կլինի ևս մեկ ուկրաինացի՝ Նազար Տարասևիչը։ Եզրափակիչ դուրս գալու համար մենամարտը խոստանում է լինել լարված՝ հաշվի առնելով մրցաշարի բարձր մրցակցային մակարդակը։
Արթուր Ասոյանը Հայաստանի միակ ներկայացուցիչն է 2026 թվականի մեծահասակների Եվրոպայի առաջնությունում։ Կիսաեզրափակիչ դուրս գալով՝ նա արդեն ապահովել է առնվազն բրոնզե մեդալ։ Ավելի վաղ պատանիների պայքարում բրոնզե մեդալ էր նվաճել Ռաֆիկ Ալեքսանյանը։