Արսեն Հարությունյանը կանցկացնի մենամարտ ՄՄԱ մարտիկի հետ Երևանի մրցաշարում

Հայտնի հայ ըմբիշ, Եվրոպայի քառակի չեմպիոն Արսեն Հարությունյանը կմասնակցի Hype FC մրցաշարին, որտեղ նրա մրցակիցը կլինի պրոֆեսիոնալ ՄՄԱ մարտիկ Բաղդատ Ժուբանիշը։

30-ամյա Ղազախստանի ներկայացուցիչը խառը մենամարտերում ունի 8-1 ռեկորդ և նախկինում դարձել է IMMAF-ի աշխարհի սիրողական չեմպիոն։ Իր կարիերայի մեծ մասը Ժուբանիշը անցկացրել է Naiza FC լիգայում, որտեղ նվաճել է թեթևագույն քաշային կարգի չեմպիոնական գոտին։

Հարությունյանի և Ժուբանիշի մենամարտը կանցկացվի ազատ ոճի ըմբշամարտի կանոններով։ Այն տեղի կունենա մարտի 28-ին Երևանում՝ Hype FC մրցաշարի շրջանակում։

Երևանում կայանալիք Hype FC մրցաշարը կներառի նաև ՄՄԱ մենամարտեր, սակայն հանդիսատեսին սպասվում են նաև դիտարժան գրեփլինգի և ըմբշամարտի դիմակայություններ։