Հայաստանի աթլետները հաջողությամբ հանդես եկան Իրանում անցկացված մրցաշարում
Այլ սպորտաձևեր
Հայաստանի աթլետներ Երվանդ Մկրտչյանն ու Գոռ Հովակիմյանը՝ գլխավոր մարզիչ Գառնիկ Հովակիմյանի ղեկավարությամբ, մասնակցեցին Իրանի Մեշհեդ քաղաքում ապրիլի 26-28-ն անցկացված Imam Reza Cup 4-րդ միջազգային աթլետիկայի մրցաշարին:
Երվանդ Մկրտչյանը հաղթող դարձավ 1500 մ վազքում՝ ցուցադրելով 3:48.17 արդյունք և սահմանելով մրցաշարի նոր ռեկորդ: Բացի այդ, նա 5000 մ վազքում գրավեց երկրորդ տեղը՝ 14:40.12 արդյունքով:
Գոռ Հովակիմյանը երկու արծաթե մեդալ նվաճեց՝ եռացատում (15.72 մ) և հեռացատում (7.41 մ) մրցաձևերում՝ հաստատելով իր բարձր մակարդակը երկու ծրագրերում էլ:
Մրցաշարին մասնակցում էին ինը երկրների ներկայացուցիչներ՝ Իրանից, Հայաստանից, Թուրքիայից, Աֆղանստանից, Հնդկաստանից, Պակիստանից, Օմանից, Բահրեյնից և Սաուդյան Արաբիայից:
